O‘zbekiston kubogi 1/8 finalidan o‘rin olgan “Aral” — “Navbahor” (0:2) jamoalari uchrashuvidan keyingi matbuot anjumanining birinchi qismida “lochinlar” bosh murabbiyi Samvel Babayan ishtirok etib, OAV xodimlarining savollariga javob berdi.
Odatdagidek, Samvel Vyacheslavovich o‘z so‘zini o‘yin haqidagi fikrlari bilan boshladi.
— Assalomu alaykum! So‘zim avvalida barcha “Navbahor” muxlislarini g‘alaba bilan tabriklayman. Biz uchun muhim bo‘lgan bahs og‘ir kechganligiga qaramay, zafar quchdik. Buning uchun shogirdlarimga o‘z minnatdorchiligimni bildiraman. Yigitlar professional ekanliklarini mazkur o‘yinda namoyish etishdi.
“Aral”ni Nukusda mag‘lub etish oson deb o‘ylaganlar qattiq adashadilar. Sababi, mazkur maydonda bo‘lib o‘tgan oldingi bahslar va bugungi uchrashuv garchi jamoamiz mahorat borasida mezbonlardan ustun bo‘lsada, buni amalga oshirish qiyin ekanligini namoyish etdi.
O‘z o‘rnida yana shuni ta’kidlash joizki, bugungi bahs Superligadagi ayrim bellashuvlardan ko‘ra, tomoshaboproq kechdi. Shuningdek, Superligadagi so‘nggi bahsimiz kabi qiziq o‘tdi. Boisi, “Aral” futbolchilari bugun o‘zgacha kayfiyatda maydonga tushishdi. Bugungi o‘yinda g‘alaba qozonib, keyingi bosqichga chiqishimiz juda muhim edi. Chunki oldingi uchrashuvda mag‘lubiyatga munosib emas edik, shu sababli, ushbu g‘alaba Osiyo Chempionlar Ligasidagi muhim o‘yin oldidan yigitlarga ruhiy tushkunlikdan chiqib ketishlariga yordam berardi.
“Aral” haqida alohida to‘xtalmoqchiman. Mezbonlar haqiqiy jangchilardek harakat qilishdi, muxlislar uchun o‘ynashdi. Maydon egalari agressiv, zamonaviy o‘yin namoyish etib, vazifamizni qiyinlashtirishdi.
O‘z navbatida, mazkur hududning ham Superligada jamoasi bo‘lishi, mazkur ligada munosib ishtirok etishini tilayman. “Aral” joriy mavsumda yoki kelasi yili Superligaga chiqishini xohlardim.
— “Navbahor” milliy chempionatdagi so‘nggi o‘yinda “Paxtakor”ga imkoniyatni boy bergandi. O‘sha mag‘lubiyatning bugungi bahsga ta’siri bo‘ldimi?
— Ha, ta’siri bo‘ldi. Biroq yigitlar maydonga chiqib, g‘alabani qo‘lga kiritishdi.
— “Aral” tarkibidan qaysi futbolchilarni o‘z jamoangizda ko‘rishni xohlagan bo‘lardingiz?
— Jamoaning barcha chiziqlarida yaxshi yigitlar bor. Ammo ular havolanib ketmasliklari uchun ismlarini aytmayman. Futbolchilarning darajasi Superligada o‘ynashga yetadi. Jamoaning muvaffaqiyatlarida Ne’matillo Quttiboyevning xissasi katta deb bilaman. Bu jamoani Superligada ko‘rishdan xursand bo‘lardim.
— “Navbahor” futbolchilari o‘yin vaqtini cho‘zishga urinishgandek bo‘lishdi. Buning sababi nimada?
— Sun’iy maydon qoplamasi futbolchilarga jarohat yetkazishi mumkin. Kurashlar ko‘p bo‘ldi. Nafaqat, “Navbahor” balki, “Aral” futbolchilari ham shikastlanishganida, tanaffuslar yuz berdi. Biz vaqtni cho‘zish uchun ko‘rsatma bermaymiz. Yigitlar shunchaki jarohatlardan saqlanishga harakat qilishdi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
