APL o‘n yillar davomida dunyoning eng yorqin futbol yulduzlariga makon bo‘lib keldi. Afsuski, ularning ayrimlari boshqa ligalarga yo‘l olib, Angliyadagi o‘yinlarini ko‘rsata olmagan. Ana shunday yulduzlar haqida quyida bilib olasiz. Shuningdek, Xarri Keynni ham ko‘zdan qochirmasligimiz kerak. Negaki, u APLda yirik yulduz edi. "Bavariya"da esa bu narsa qayta takrorlanmasligi ham mumkin.
Eden Azar
Belgiyalik APLda ekanida, hech bir himoyachi unga bas kela olmasdi. Uning chaqqon oyoqlari va texnikasi raqib o‘yinchilari uchun Azarni dahshatga aylantirgan. Pleymeyker davrida "Chelsi" ikki bor APL chempionligiga erishadi. 2019 yilda u "Real"ga yo‘l olgandi. Azar Madridda jarohatlar girdobidan chiqa olmay qoldi. Shu sabab shu yozda shartnomasini muddatidan oldin yakunlab, erkin agentga aylandi. Azar futboldan butunlay ketish arafasida turibdi.
Filippe Koutinyo
"Liverpul" porlagan futbolchini hamma "Barselona"da ko‘rishni istaydi. Ammo Koutinyo, o‘z darajasiga Kataloniyada ham chiqishni uddalay olmaydi. Andreas Inyesta o‘rnini to‘ldirishi kutilgan yarim himoyachi, uning yaqiniga yo‘lay olmadi. "Barselona" bilan 100 dan ortiq bahsda maydonga tushganiga qaramay, braziliyalikka joy topilmadi. Xavi u bilan xayrlashdi. "Aston Villa" Koutinyoni 2017 yildagi narxidan bir necha bor arzonga xarid qildi.
Maykl Ouen
Ingliz hujumchisi "Liverpul"da tengsiz edi. U "Real" safiga 158 ta gol, oltita katta sovrin va "Oltin to‘p" bilan tashrif buyuradi. Ouen Ispaniyada faqatgina bir mavsum qoldi, xolos. Hujumchi bu paytda "Real" uchun 16 ta gol urgan. Garchand Ouenga yetarlichi o‘yin vaqti berilgan bo‘lsa, bu davr u uchun yetarli bo‘lmadi. Oxir-oqibat u yana APLga qaytgandi.
Sadio Mane
"Liverpul" muxlislari bundan bir yil oldin Maneni sotmaslikni klubdan talab qilgandi. Ammo senegallik hujumchi baribir ketdi. U Germaniyada Levandovski o‘rnini egallashi kerak edi. 31 yoshli futbolchi buni udda qila olmadi. Bir mavsum davomida Mane o‘zi erishgan oldingi barqarorlikni topa olmay qoladi. U, aksiga olib, jamoasiga zarar keltira boshladi, Sane bilan janjallashib, jarimaga ham tortildi. Xullas, biz ham Sadio Maneni qayta topa olmadik. U ham taqdirga tan bergan holda Saudiya Arabistoniga ketdi.
Nemanya Vidich
Vidich APLda dunyoning eng yaxshi himoyachisiga aylanadi. Ammo u, o‘zi "Manchester Yunayted"da erishgan darajasiga Italiyada qayta chiqa olmaydi. "Inter" bilan bir mavsum bo‘lgan futbolchini jarohatlar qiynay boshlaydi. Boz ustiga, Vidich o‘zining pik davridan o‘tib bo‘lgandi. Shu sabab u bir mavsumdan keyin shartnomasini ikki tomonlama tugatishga qaror qiladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
