Ushbu yoz futbol tarixida eng ko‘p pul sarflangan davr sifatida yodimizda qoladigan bo‘ldi. Bunda eng katta mablag‘lar, kutilganidek kuchli beshlik chempionatlari tomonidan sarflandi. Ular ichida APL – tengsiz. Quyida transferlarga mablag‘ sarflashdan tashqari, butun boshli klub miqyosidagi eng qimmat jamoalarni bilib olasiz.
10. "Arsenal" – 2.26 milliard dollar
"Arsenal" hozir dunyoning yetakchi jamoalari qatoriga kirdi. Buni inkor etib bo‘lmaydi. Mikel Arteta jamoasi hozir eng qimmat tarkibga ega. Hammasi endigina boshlangandek tuyulmoqda. Ammo bu uchun ancha mehnat sarflangan. Agarda shu yo‘nalishda davom etilsa, "Arsenal" bu ro‘yxatda yanada odimlaydi.
9. "Tottenxem" – 2.8 milliard dollar
"Tottenxem" qimmatlik borasida o‘zining Shimoliy Londondagi raqibidan oldinda turadi. Garchand klub o‘n yillardan beri sovrin yutmagan bo‘lsada, ular so‘nggi 8 mavsumdan beshtasida YECHL yo‘llanmasini qo‘lga kiritdi. Qolaversa, yaqin yillar ichida "Tottenxem" yirik stadion barpo etdi.
8. "Chelsi" – 3.1 milliard dollar
Todd Boeli "Chelsi"ni bundan bir yil ilgari 5.2 milliard dollarga xarid qildi. Bu esa klubning real qiymatidan qariyb 2 milliardga ko‘proq deganidir. Bu mavsumda yevrokuboklarsiz qolgan jamoaning tushumlari kamayishi turgan gap. Shunga qaramay, tez orada "aristokratlar"ni yana YECHLda ko‘rsak, ajablanmaymiz.
7. "PSJ" – 4.21 milliard dollar
Parij klubi shu kunlarda Yevropadagi eng tartibsiz jamoa bo‘lib turibdi. Hammasi Kilian Mbappe holati bilan bog‘liq. Shunga qaramay, "PSJ" Yevropa miqyosida o‘z o‘rniga ega bo‘lib ulgurgan. Uning 4 milliardlik qiymati ham shundan dalolat beradi.
6. "Bavariya" – 4.68 milliard dollar
Myunxen klubi har tomonlama ideallikka yaqindir. Xususan, klub rahbariyati transferlar oynasida hech qachon o‘zini urintirib qo‘ymaydi. Ammo bu yozdagi Keyn xaridi bundan mustasno. "Bavariya" doimo Yevropada yuqori daraja namoyish etib keladi. Germaniyada esa hali ham unga teng keladigani yo‘q.
5. "Manchester Siti" – 4.99 milliard dollar
Qariyb o‘n yildan beri APLda dominantlik qilib kelayotgan klub qimmat bo‘lmasligi mumkin emas. "Manchester Siti" o‘tgan mavsumda rekord darajada, 815 million dollar foyda ko‘rganini ma’lum qilgandi. Bu esa futbol tarixidagi mutlaq rekord sanaladi. Trebl sohiblari yangi mavsumni ham fantastik darajada boshladi. Gvardiola Yevropani boshqarishda davom etmoqda.
4. "Liverpul" – 5.29 milliard dollar
Mersisaydliklar rahbariyati klub moliyasini uzoq yillardan beri muvaffaqiyatli boshqarib kelmoqda. Hozirgi kunda "Liverpul" o‘z stadionini ta’mirlamoqda. Qolaversa, klubda katta sovrinlar uchun kurashishga qodir jamoa shakllanib ulgurgan.
3. "Barselona" – 5.51 milliard dollar
Garchand moliyaviy bo‘xronlar ostida qolgan bo‘lsa ham, "Barselona" dunyoning uchinchi eng qimmat jamoasi bo‘lib turibdi. Katta tavakkallar ostida, klub tiklana boshladi. Ispaniya chempionlarini Forbes nashri 5.51 milliardga baholadi. Bu esa bir yil oldingi qiymatdan 10 foizga ko‘proqdir.
2. "MYU" – 6 milliard dollar
Ser Aleks Fergyusondan keyingi davr "Manchester Yunayted"ga faqat muammo keltirdi. Klub avvalgi darajasini tiklashga qiynalmoqda. Ammo moliyaviy masalalarga kelganda, "MYU" doimo yetakchilardan biri sanaladi. So‘nggi bir yil davomida klub qiymati 30 foizga oshdi va bu rekord ko‘rsatkich hisoblanadi.
1. "Real" – 6.07 milliard dollar
Boshqa hech bir klubni bu borada yetakchi deb bo‘lmaydi. "Real" doimo o‘z darajasini har jabhada namoyish etib kelgan. Qiymat masalasida ham madridliklar ustunlikka ega. "Real" 1 milliard yevro evaziga "Santyago Bernabeu"ni ta’mirladi. Shuningdek, klub Bellingem kabi 100 millionlik futbolchilarni hech ikkilanmay sotib olmoqda. Shunday ekan, "Real"ning moliyaviy qudratiga shubha qila olmaysiz.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
