“Andijon” hamda “Olimpik” (2:1) o‘rtasidagi uchrashuvdan keyingi matbuot anjumanining ikkinchi qismida mezbonlar bosh murabbiyi Aleksandr Xomyakov ishtirok etdi.
— Assalomu alaykum. Albatta, bugungi g‘alabadan baxtliman. Biz javobgarlik hissi qanchalik ekanligini tushunib turgandik. G‘alabamizni hamma intiqlik bilan kutib turganini yaxshi bilgandik. Men va mening boshchiligimdagi o‘yinchilarning barchasi ushbu g‘alabani sabrsizlik bilan kutayotgandik. Shuning barobarida bizga qanday mas’uliyat yuklatilganligini barchamiz yaxshi his qilib turgandik. Eng asosiysi, muxlislarga quvonch ulashishni maqsad qilgandik va buning ustidan chiqdik. Bayramona oqshomni muxlislarimizga taqdim qila oldik, deb o‘ylayman. Bilaman, maydondagi holat va sifat ham muhim. Ammo nima bo‘lgan taqdirda ham biz g‘alaba qozondik. Shunisi eng asosiysi, deb o‘ylayman. Bu g‘alaba bizga juda ham zarur edi. Shaxsan menga bu mavsumdagi aynan ushbu g‘alaba nihoyatda muhim edi. Yetarlicha qiyinchiliklar bo‘ldi, oz-moz xatoliklar ham ko‘zga tashlandi. Ammo ko‘zlagan maqsadimizga erishdik. Men birinchi navbatda futbolchilarga katta rahmat aytaman. Vaziyatni nazorat qilib turishdi. Ancha qiyin kechdi. Raqibimiz ham yaxshi o‘ynadi. Yosh va chaqqon yigitlar ekan. Lekin biz barchamiz bir jamoa bo‘lib kurashdik, oldinga intildik. Barchani g‘alaba bilan tabriklayman. Futbolchilar, klub xodimlari va albatta muxlislarni ham muborakbod etaman.
— Abbos Ergashboyev bilan Ibrohim G‘anixonov nima uchun maydonga tushishmadi?
— To‘g‘risi, qiyin o‘yin bo‘lishini bilgandim. Biroz xavotir ham yo‘q emasdi. Chunki tarkib bilan bog‘liq muammolarimiz bor edi. Bunday o‘yinda xato qilmaslik eng muhim masalalardan biri deb o‘ylayman.
— Jamoaning yangi futbolchisi – Armin Boshnyak o‘tgan safar “Bunyodkor”ga, bugun esa “Olimpik” darvozasiga gol urdi. U haqida nima deya olasiz?
— U jamoaga tez kirishib keta oldi. Bu uning katta yutug‘i. Albatta, natijadorlik borasida ham Armin muhim va gollar uryapti. Asosiysi, shu. Gollarni tashkil qilishda va kiritishda Boshnyakning ham roli katta bo‘lyapti va bu meni xursand qilyapti. Ha, bunday futbolchining paydo bo‘lishi, jamoamizga qo‘shilishi va gollar urishi yoqimli. Kerakli ishlarni qilayotganidan xursandman.
— Umumiy ma’noda, o‘yindan qoniqdingizmi?
— Aytdim-ku, men baxtliman. Yuqorida aytib o‘tganimdek, bu men uchun o‘ta muhim o‘yin edi. Asosiysi, biz g‘alaba qozondik. Hammaga rahmat va hammaga g‘alaba muborak bo‘lsin.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
