Gazetamizning avvalgi seshanba sonlarida Yevropa milliy chempionatlari yangi mavsumi starti bahona APL, La Liga va «A» seriya klublari bosh murabbiylari haqida yaxlit ma’lumot taqdim etgandik sports.ru saytining qulay tasvirlari yordamida. Bugun shu mavzu davomi o‘laroq, Bundesliga murabbiylari guruhiga nazar solamiz. Xo‘sh, Germaniya chempionati qaysi bosh murabbiylar bilan e’tiborga molik?
BUNDESLIGA (Germaniya)
Yulduzlar guruhi qanday? Tomas Tuxel Germaniya chempionatining asosiy rok-yulduzi rolida. Niko Kovach va Marko Rouz esa undan biroz pastroqda. Mahalliy yulduz - Kristian Shtrayx ham ishtiyoqli «Frayburg» bilan e’tibor markazida. 2012 yildan buyon kamtarin klubda ishlayotgan ushbu mutaxassis uzoq vaqt bitta jamoadagi faoliyati davomiyligi bo‘yicha Bundesliga murabbiylari orasida 1-o‘rinni bo‘shatgani yo‘q. Lekin har do-im vaqti kelib, yirikroq nahang chiqadi, baribir. Mana, endi Bundesligaga 2007 yildan buyon «Xay-denxaym»ni boshqarib kelayotgan Frank Shmidt qadam bosdi.
Yangi shartnomalar. Ger-maniya elit li-gasida yangi murabbiylar kam, to‘g‘rirog‘i, atigi ikki nafar - «Ayntraxt»dagi Dino Topmeller va Menxengladbax «Borussiya»si boshqaruvini qo‘lga olgan Xerardo Seone. Ikkinchisi «Bayer»da natija ko‘rsatolmadi, balki bu safar muvaffaqiyat qozonar... Topmeller esa vaqtida «Bavariya» shtabida yordamchi murabbiy rolini bajargan va endi mustaqil loyihaga kirishdi.
Kimlarni alohida kuzatish kerak? Albatta, avvalo, Tomas Tuxelni. «Bavariya» yozda butunlay qayta shakllantirildi, ayrim «noqis»lardan qutuldi va yangi kampaniyaga tayyor, garchi Germaniya superkubogi uchun bahsda «RB Leypsig»dan kuchli «tarsaki» qabul qilib olgan bo‘lsada. Tuxel ehtimol, Myunxenda CHL shohsupasini ko‘zlayotgandir. Xabi Alonso ham o‘z ishi bilan qiziqish doirasida. «Bayer» o‘tgan mavsumning ikkinchi yarmida ispaniyalik mutaxassis qo‘l ostida katta sakrashni amalga oshirdi. Alonso yangi mavsumda ham sur’atni pasaytirmaslik niyatida. Yana Urs Fisher va «Uni-on» ham diqqat markazida bo‘lishi tayin. Axir Berlin jamoasi CHL-da debyut qi-ladi. Fisher ham ichki, ham tashqi frontni birdek nazorat ostiga olish salohiyatiga egami? Bu vaqt hukmidagi savol, albatta.
Kim birinchi bo‘lib iste’foga chiqishi mumkin? Hozir bu xususda qan-daydir taxminni ilgari surish qiyin. Ammo ikki na-far «nomzod»ni ajratib ko‘rsatish mumkin - Edin Terzich va Xerardo Seone. Har holda, Dortmund «Borussiya»sida navbatdagi sotuv kampaniyasi kuzatildi va buning ta’sirida bosh murabbiy «oqib» ketishi» hech gap emas. Qolaversa, Terzichga tayyor chempionlikni qo‘ldan chiqarish azobi ham xalaqit berishi mumkin. Seone esa 2015 yildan buyon Menxengladbax jamoasida ish boshlagan 6-murabbiydir. Ya’ni ikkinchi «Borussiya»da mutaxassislarni ko‘p ushlab turishga odatlanishmagan. Shunday ekan, shveysariyalik imkon qadar tezroq natija keltirishi kerak. Albatta, «birinchi bo‘lish» qismati Pellegrino Matarasso, Ole Verner, Tomas Lex yoki Enriko Maasen boshiga tushishi ham mumkin. Shuningdek, Tomas Tuxel dastlabki iste’fo sababchisiga aylanishdan to‘liq himoyalanmagan, baribir.
Yana nima? Murabbiylar bo‘limining eng yosh vakillari Bundesligada to‘planishgan. Chempionat klublari boshqaruvchilari o‘rtacha hisobda atigi 46 yoshdalar. Deylik, Ole Verner endi 35 yoshdan hatladi. Eng «keksa» murabbiy Shtrayx esa 58 yoshda. Qolaversa, Bundesliga - bu taktik sxemalar, o‘yin tuzilmalari va chizgilari bo‘yicha inqilobchi-innovatorlar chempionati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
