«Real» bosh murabbiyi Karlo Anchelotti Italiya chempionati rasmiy matbuot xizmati - Radio TV Serie A jurnalistlari bilan suhbatda asosan xalqaro futbolidagi o‘zgarishlar yuzasidan fikr yuritdi.
Lekin don Karlo Braziliya milliy jamoasiga bog‘liq savolga javob berishdan qochdi: «Spalletti Italiyasi va Anchelotti Braziliyasi o‘rtasida finalmi? Bu ajoyib intervyu bo‘ldi, rahmat...».
Hozirgi holati
- Hamon ishdan zavqlanyapman. Har kuni futbolchilar bilan shug‘ullanish, jamoa uchun yangi yechimlar izlash - maroq. Ishtiyoqim ham oldingidek baland. Binobarin, futbol evolyusiyasiga o‘z-o‘zidan moslashib boraverasiz, faqat yoshingiz o‘zgaradi, xolos.
Kelajagi
- 1 iyulgacha «Real»da ishlashim aniq, lekin qaysi yilgacha? Shunisi noma’lum. 2026 yilgacha? Yo‘q, hali bir to‘xtamga kelmadim.
Ikki davr farqi
- Maydonda bo‘lsangiz, futbolni teranroq his etasiz. «Roma»dagi davr - ajoyib tajriba. Esimda, meni temiryo‘l stansiyasidan olib, klub shtab-kvartirasiga olib borgan taksichiga pul berayotganimni ko‘rib qolgan tiffozilar haydovchini rosa haqoratlashgandi: «Roma» futbolchilari to‘lamaydilar». Keyin bilsam, o‘sha bechora taksichi «Lasio» tarafdori ekan. Ilgari na mobil telefonlar va na PlayStation bor edi. Jamoalarda boshqacha munosabatlarni ko‘rganmiz - mustahkam do‘stlik, mehr-oqibat... Hozir esa hammasiga professional yondashuv bor.
Mobil telefonlar bo‘yicha taqiq
- Futbolchi mas’uliyatni unutmasligi, uyali telefondan qachon foydalanishni yaxshi bilishi kerak. Aslida tabiatan qandaydir taqiqlarni yoqtirmayman. Faqat futbolchi chegaradan chiqsagina vaziyatga aralashishdan o‘zga choram qolmaydi.
Saudiya Arabistoni futboli
- Arablardan to‘g‘ridan-to‘g‘ri taklif olmadim. Umuman, «Madrid»da baxtliman va buni hamma biladi.
Joze Mourinyoga munosabat
- Biz bir necha bor uchrashdik, o‘yinlarda yo‘llarimiz kesishdi. O‘rtamizda o‘zaro hurmat-e’tibor bor - bu masofaviy do‘stlik.
«A» seriyaga ta’rif
- Ispaniyada Italiya chempionatiga qiziqish katta, chunki katta jamoalar bor. Skudettoni qaysi klub yutadi? Bilmadim. Lekin da’vogarlarni ayta olaman: avvalo, «Napoli», «Milan», «Inter» va «Yuventus», keyin «Roma», «Lasio», «Atalanta», «Fiorentina». Yevrokuboklarsiz qolgan «keksa sinyora» ancha xavfli bo‘lishi mumkin.
Irqchilik illati
- Bu muammo bilan yashash mumkin emas, uni yo‘qotishimiz shart. Quvontirgan tomoni, Vinisius atrofidagi holat yaxshilandi, dastlabki bir necha o‘yinda hech qanday haqorat eshitmadim. Hammasi shunday davom etishidan umidvorman. Aks holda, hakam o‘yinni to‘xtatish huquqiga ega.
Zamonaviy murabbiylar
- Gvardiola, de Zerbi yoki Arteta kabi o‘yinga katta energiya sarflaydigan, Bordalasdek shogirdlariga kuchli motivasiya beradigan murabbiylarga hurmatim baland. Lekin hech kimni boshqalardan ustun ko‘rmayman.
Ronaldo yoki Ronaldu?
- Braziliyalik o‘z davrida tengsiz edi, portugaliyalik esa oxirgi yillar Messi bilan hukmronlik o‘rnatdi. Umuman, har ikkisi bilan ishlash birdek rohat bag‘ishladi.
Murabbiylik faoliyati yakuni
- Nafaqada baxtli oila boshlig‘i, bobo, sayyoh va tiffozi bo‘lishni xohlardim. Futbol menga ko‘p narsa berdi, ayniqsa, doimiy ish quvonchi uchun qarzdorman.
- Skudettoni qaysi klub yutadi? Bilmadim. Lekin da’vogarlarni ayta olaman: avvalo, «Napoli», «Milan», «Inter» va «Yuventus», keyin «Roma», «Lasio», «Atalanta», «Fiorentina». Yevrokuboklarsiz qolgan «keksa sinyora» ancha xavfli bo‘lishi mumkin.
MUHAMMADXON tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
