Madridning "Real" klubi La Liga yangi mavsumini ajoyib tarzda boshladi. "Qaymoqranglilar" chempionat startidagi barcha 4 ta o‘yinda ham muvaffaqiyat qozonib, Primero turnir jadvalida yakka peshqadamlik qilmoqda. To‘g‘ri, yangi mavsum endigina start oldi, ammo "qirollik klubi" safida oz emas, ko‘p emas naq 7 nafar futbolchining shartnomasi kelasi yozda yakuniga yetadi. Keling, shu futbolchilar bilan sizlarni tanishtirib o‘tamiz.
Luka Modrich va Toni Kroos – "Real"ning hozirgi tarkibidagi eng tajribali futbolchilar bu mavsumda ko‘proq zaxirada qolmoqda. Anchelotti balki ularning yoshi kattaligi sabab ikkala futbolchiga ham asosan ikkinchi bo‘limda imkoniyat berishni ma’qul ko‘rmoqda. Shuni aytib o‘tish lozimki, Modrich ham, Kroos ham o‘ziga berilgan imkoniyatlarni maksimal darajada oqlashmoqda va hali hamon dahshatli raqobatda ham jamoa uchun foydali bo‘la olishlarini isbotlamoqda. Ko‘ramiz, madridliklar rahbariyati bular bilan kelasi yilda yakunlanadigan shartnomani uzaytiradimikin.
Lukas Vaskes – jamoaning eng sodiq o‘yinchilaridan biri. U deyarli har mavsumning 80 foiz o‘yinlarida zaxirada qoldiriladi. Allaqachon 32 yoshni qarshilab qo‘ygan o‘ng qanot himoyachisi klub bilan 2024 yilda yakuniga yetadigan shartnomani Florentino Peres taklif bilan chiqsa, katta ehtimol bilan uzaytiradi.
Nacho – jamoaning birinchi raqamli sardori. U o‘tgan mavsum oxirida klub bilan uzoq muzokaralardan so‘ng kelishuvni 1 yilga uzaytirishga rozi bo‘lgandi. Anchelotti esa uni har doimgidek zaxira varianti sifatida ko‘rmoqda. U endi yangi klubga o‘tishni jiddiy o‘ylab ko‘rsa kerak.
Andrey Lunin. Ukrainalik 24 yoshli darvozabon Tibo Kurtuaning jarohatidan so‘ng ham "qirollik klubi" asosiy tarkibiga loyiq ekanligini isbotlay olmadi. Lunini bu mavsumda La Ligada 2 ta o‘yinda ishtirok etib, 1 bor o‘z darvozasidan to‘p olib chiqdi. Katta ehtimol bilan Aleksandr kelasi yil tugaydigan shartnomani uzaytirmaydi, chunki u avvalroq muntazam o‘yin amaliyoti olmoqchi ekanligini aytgandi.
Xoselu. Ispaniyalik 33 yoshli forvard yozda "Espanyol"dan ijaraga olindi. Agar u mavsum davomida o‘zini ko‘rsata olsa, balki "qaymoqranglilar" rahbariyati uni sotib olishi mumkin.
Kepa Arrisabalaga. "Real"ning "Chelsi" darvozaboni bilan ijara shartnomasida sotib olish bandi yo‘q. Klub bu mavsumdan keyin Kepani saqlab qolmoqchi bo‘lsa, "aristokratlar" bilan to‘lov bo‘yicha muzokara olib borishi kerak bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
