«Chelsi» afsonasi Jon Terri biznesning yangicha variantini topgan ko‘rinadi.
«Aristokratlar»ning sobiq sardori shunchaki, o‘z fanatlari bilan uchrashuvlar tashkil etish yo‘lidan bormoqda. Faqat Terri bilan ko‘rishishni istaganlar bunday uchrashuvlarga pul to‘lab kirishadi. Qolaversa, afsonadan dastxat olish 100 funtga, birga ovqatlanish esa 150 funtga tushadi. Xullas, pullik ixcham kechki ovqat... Ajoyibmi?
The Telegraph nashrida yozilishicha, sobiq himoyachining muxlislar bilan ilk «biznes» uchrashuvlari ortda qoldi. Birinchisi mo‘’jazgina Beysingstokda tashkil etildi. Jon Terri shundan so‘ng Birmingemga bordi katta ishtiyoq bilan. Demak, ushbu ajib loyiha chakki samara bermaganini taxmin qilish mumkin. Umuman, tashkilotchilar 4ta uchrashuv o‘tkazishni rejalashtirishgan. Unga ko‘ra, Terri oktyabr oyida Bornmutda muxlislar qarshisiga chiqishi kerak. Hisob bo‘yicha to‘rtinchi uchrashuv esa noyabr oyiga belgilangan. O‘ziga xos finalning manzili - London.
Ayrim tafsilotlarga to‘xtalsak, Birmingemdagi uchrashuvga kirish chiptasining minimal bahosi 25 funt sterlingni tashkil etdi. Shuningdek, qo‘shimcha xizmatlar tarifi ham bor edi: yig‘ilganlar Terridan bitta dastxat olish uchun 100 funt to‘lashdi. 150 funt sterling to‘lagan fanatga esa oldingi qatordan joy olish, sobiq futbolchi bilan birga ovqatlanish va suratga tushish imkoniyati taqdim etildi. Yana bahosi 5 ming funt sterlingga teng prium-paket sotuvga chiqarildi. Bu Terri bilan birga 10 kishilik kechki ovqat, 10ta dastxat va fotosuratga tushish huquqini o‘z ichiga oldi. Ta’kidlanishicha, tadbir mehmonlaridan dastxat qo‘ydirish uchun o‘zlari bilan biror buyum olib kelish so‘raldi. Qo‘shimcha qilinishicha, Londondagi uchrashuvda kirish chiptasi bahosi biroz oshiriladi - 30 funt sterling. Shuningdek, 110 funt sterling evaziga «oltin to‘plam» xizmati yo‘lga qo‘yiladi. Umuman, Jon Terri ishtirokidagi bunday uchrashuvlar Knock Out Memorabilia & Events guruhi tomonidan yo‘lga qo‘yildi. Tadbirlardan tushgan mablag‘ qanday taqsimlanishi yoki qayerga yo‘naltirilishi haqida ma’lumot aniq yo‘q.
D.ALIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
