2023 yildan boshlab, APL muxlislari orasida bir mavzu ko‘plab bahs-munozaralarga sabab bo‘lmoqda. U ham bo‘lsa, "kuchli oltilik" atamasidir. Kuchli jamoalarni faqatgina oltita deyish qanchalik haqiqatga to‘g‘ri keladi? Axir, yangi mavsumdan "Nyukasl" YECHLda qatnashmoqda. "Aston Villa" va "Brayton" ham yevrokuboklarda kuch sinasha boshladi. Shunga qaramay, fakt faktligicha qoladi. Hozir ham kuchli to‘rtlik uchun eng asosiy oltita klub bor. Garchand bu qoidani "Nyukasl" o‘tgan mavsum oxirida buzgan bo‘lsa ham, yangi mavsumda "qarg‘alar"ga ishonch unchalik ham katta emas.
Ana shu oltita jamoa o‘rtasidagi uchrashuvlar doimo qizg‘in kechadi. O‘yinoldi afishalarini ko‘rsangiz, ular shunchaki dahshatli. 2023/24 yilgi mavsumda biz ularning bir qancha o‘yinlariga guvoh bo‘ldik. Ushbu to‘qnashuvlarning ko‘pi bizga kutgan haroratni taqdim etib bera oldi. O‘tgan mavsumda oltilikning o‘zaro kurashlaridagi eng yaxshi natijani amaldagi chempionlar bo‘lmish "Manchester Siti" ko‘rsatdi. "Shaharliklar" ikkinchi o‘rinni olgan "Arsenal"ni har ikki o‘yinda mag‘lub etgandi. Ammo yangi mavsumda Gvardiola shogirdlari "Arsenal" to‘sig‘idan o‘ta olmadi: ular 2015 yildan beri ilk marta "to‘pchilar"ga ligada mag‘lub bo‘ldi.
Ushbu mavsumning ilk katta jamoalar to‘qnashuvi "Arsenal" va "Manchester Yunayted" o‘rtasida kechgan edi. Mikel Arteta shogirdlari 1-1 hisobidagi durangni so‘nggi daqiqalarda o‘z foydasiga hal qila oldi. Shimoliy London derbisi esa 2-2 bilan tugadi. Unda "Tottenxem" ikki bor hisobda ortda qolayotib, muvozanatni tiklay oldi. So‘nggi turdagi "Chelsi" va "Arsenal" uchrashuvida ham 2-2 hisobi qayd etildi. Bu o‘yinda Arteta jamoasi hisobda ortda qolayotib, xuddi "shporlar" singari bir ochkoni yulqib olgandi.
Kuchli oltilik kurashida ayni damda "MYU" eng yomon natija qayd etib turibdi. Erik ten Xag ikkita yirik bahsda Shimoliy London klublariga imkoniyatni bou berib qo‘ygandi. Hozirda "qizil iblislar" turnir jadvalining 8 pog‘onasini egallab turibdi. Quyida katta oltilikning o‘zaro turnir jadvali taqdim etiladi.
1. "Tottenxem"
O‘yinlar: 3 ta
G‘alabalar: 2 ta
Durang: 1 ta
Mag‘lubiyat: 0 ta
Gollar: 6 ta
O‘tkazilgan gollar: 3 ta
O‘rtacha: 2.3 ochko
2. "Arsenal"
O‘yinlar: 4 ta
G‘alabalar: 2 ta
Duranglar: 2 ta
Mag‘lubiyat: 0 ta
Gollar: 8 ta
O‘tkazilgan gollar: 5 ta
O‘rtacha: 2.0 ochko
3. "Chelsi"
O‘yinlar: 2 ta
G‘alaba: 0 ta
Duranglar: 2 ta
Mag‘lubiyat: 0 ta
Gollar: 3 ta
O‘tkazilgan gollar: 3 ta
O‘rtacha: 1.0 ochko
4. "Liverpul"
O‘yinlar: 2 ta
G‘alaba: 0 ta
Durang: 1 ta
G‘alaba: 1 ta
Gollar: 2 ta
O‘tkazilgan gollar: 3 ta
O‘rtacha: 0.5 ochko
5. "Manchester Siti"
O‘yin: 1 ta
G‘alaba: 0 ta
Durang: 0 ta
Mag‘lubiyat: 1 ta
Gol: 0 ta
O‘tkazilgan gol: 1 ta
O‘rtacha: 0.0 ochko
6. "MYU"
O‘yinlar: 2 ta
G‘alaba: 0 ta
Durang: 0 ta
Mag‘lubiyat: 2 ta
Gollar: 2 ta
O‘tkazilgan gollar: 5 ta
O‘rtacha: 0.0 ochko.
Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
