Norvegiyalik «maxluq» - Erling Xolandning gol urishga hirsli ekanligi hammaga ma’lum.
Faoliyatining ilk davrida «RB Zalsburg» va «Borussiya» D. klublari raqiblari darvozabonlari dodini bergan hujumchi endi «Manchester Siti»da ham sevimli ishi bilan mashg‘ul. Erling maydonda «yirtqich»dek o‘ynash barobarida uning chetida hayot zavqini surishni ham o‘rniga qo‘yadi. Deylik, san’at va ayniqsa, modalar dunyosiga aslo befarq emas. Goleador yana qimmatbaho avtomobillarga ham moyil. Axir «Manchester Siti» unga bir haftalik ishi uchun 375 ming funt sterling to‘laydi. Shunday ekan, Erling bemalol eng sara «toychoq»larga millionlab funt sarflash asnosida katta kolleksiya yaratsa bo‘ladi. Alohida aytish kerak, norvegiyalik futbolchi gabariti ulkan mashinalarni ko‘proq qadrlaydi - o‘z jussasiga yarasha tanlov.
Rollce Royce Cullinan
Britaniya kompaniyasi mahsuloti Xoland tomonidan xarid qilingan eng qimmatbaho avtomobil bo‘lib turibdi. Erling qiymati 300 ming funtga teng Rollce Royce Cullinan mashinasidan asosan kundalik ehtiyojlarida foydalanadi. Jumladan, mashg‘ulotlar va o‘yinlarga shu «toychoq»da qatnaydi. Cullinan o‘ta qulay - saloni keng, ravon yuradi, yana vajohatli ko‘rinadi. Qisqasi, hammasi Xolandning o‘ziga xos. Oppoq tusli avtomobil kechasi ham, kunduzi ham ko‘zni qamashtiradi xuddi Erlingning uzun sochlari kabi.
Audi RS 6 Avant
Erling Xoland - Audi markasi «jinni». U ushbu avtomobildan anchadan buyon foydalanmoqda. Deylik, Germaniyadagi faoliyati davomida asosan RS 6 modelida sayrga chiqardi. Qizil rangli Audi RS 6 Avant bozorda 120 ming funt turadi. To‘g‘ri, hujumchi Angliyaga ko‘chib o‘tganidan buyon Audi brendining Carbon Black versiyasidan foydalanyapti. Ushbu ulov dizayn va salonidagi qulayliklar bilan alohida ajralib turadi.
Range Rover Sport
120 ming funtli yana bir «toychoq». O‘zi hech bir yulduzning avtokolleksiyasi RangeRover brendisiz to‘liq bo‘lmaydi. Ushbu mashina ancha yirik va o‘z egasiga qo‘shimcha salobat ta’minlaydi. Sport talqinining o‘ziga xos tomoni shuki, u raqamli LED chiroqlari bilan jihozlangan. Shuningdek, Meridian eshitish tizimi bor. Asosiysi, superkar o‘rindiqlari haqiqiy massaj vazifasini ham o‘taydi. Umuman, to‘liq elektr toki bilan ishlashga moslashgan mashina ichida bemalol uxlab olish ham mumkin.
Mercedes-AMG GLE Coupe
Xoland «Borussiya» D. safida o‘ynagan vaqt ayni shu ulovda ham ko‘p ko‘rinish berardi. Deylik, ma’lum muddat GLE Coupe mashg‘ulotlarga qatnashda futbolchiga beminnat xizmat qilgan. Xoland ba’zan sobiq klubdoshi Jovanni Reyna bilan birga qop-qora «Mers»da «uchgani» haqida ham gap-so‘zlar yo‘q emas. Mashina teridan ishlangan o‘rindiqlarga ega, salonida eng yuqori sharoitlar yaratilgan. Shinalaridan esa ovoz chiqmaydi, hisob. Xullas, 90 ming funtli «toychoq» sokin sayr ixlosmandlariga ayni muddao.
Erling Xoland yana qimmatbaho qo‘l soatlariga oshufta. Norvegiyalik ayniqsa, Rolex brendi oldida o‘zini xarajatdan to‘xtatolmaydi. Katta maoshi esa bunga imkon ham beradi:
Rolex Starbucks - 15 ming funt
Rolex Hulk - 22,5 ming funt
Rolex Smurf - 37,8 ming funt
Rolex Root Beer - 38,6 ming funt
Rolex Daytona Green Dial - 77,2 ming funt
Rolex Daytona Ice Blue - 110,9 ming funt
Patek Philippe Nautilus - 112,5 ming funt
Rolex Daytona Eye of the Tiger - 241,2 ming funt
Audemars Piguet Royal - 241,2 ming funt
Audemars Piguet Jumbo - 281,4 ming funt
Aytgancha, «Real» futbolchilariga BMV avtomobillari
«Real» futbolchilari klub homiysi - BMW kompaniyasidan qimmatbaho avtomobillar olishdi. Madrid jamoasi va Germaniya avtokonserni o‘tgan yili hamkorlik shartnomasini rasmiylashtirgan edi. Ma’lumot uchun, «Qirollik klubi» bunga qadar Audi bilan hamkorlik qilgandi.
- BMW «Real» a’zolariga tanlov uchun i4, i7 iX va XM modellari taqdim etdi.
- Orelyen Tchuameni nisbatan arzon model - i4 eDrive35 avtomobili (57,3 ming)ni tanladi.
- Eder Militao, Fran Garsiya, Eduardo Kamavinga, Lukas Vaskes, Vinisius Junior va bosh murabbiy Karlo Anchelotti bahosi deyarli 80 ming yevroga teng BMW i4 M50 modeli sohibiga aylanishdi.
- Tibo Kurtua, Kepa Arrisabalaga, Jud Bellingem, Dani Sebalyos, Arda Gyuler, Xoselu va Rodrigo eng qimmatbahosi - BMW XM modeli (180 ming yevro)ni olishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
