"Mayns" vingeri Anvar El-G‘ozi Yaqin Sharqdagi mojaro haqida yana bir post yozib, unda klubning 30 oktyabr kuni futbolchi bilan vaziyat bo‘yicha murosaga erishilgani haqidagi bayonotini rad etdi.
Eslatib o‘tamiz, 17 oktyabr kuni nemis klubi niderlandiyalik futbolchi o‘zining "Instagram"dagi sahifasida Falastinni qo‘llab-quvvatlab, “Daryodan dengizgacha” degan iborani ishlatgani uchun o‘yin va mashg‘ulotlardan chetlatgan edi.
Ikki hafta o‘tgach, "Mayns" El-G‘ozi o‘zini postdan uzoqlashtirganini va jamoa bilan ishlashga qaytishini e’lon qildi.
"Shubhaga yo‘l qo‘ymaslik uchun: 27 oktyabrdagi bayonotim (Anvar Falastin va Isroilda barcha begunoh tinch aholining o‘ldirilishini qoralashini va Yaqin Sharqda tinchlik tarafdori ekanligini yozgan - muallif) "Mayns" klubi uchun yagona va ommaviy yakuniy bayonot edi.
Menga bildirilgan har qanday boshqa bayonotlar, sharhlar yoki uzrlar haqiqatga to‘g‘ri kelmaydi va men tomonidan aytilmagan yoki ruxsat etilmagan.
Mening pozisiyam bu boshlangan paytdagidek qoladi:
- Men urush va zo‘ravonlikka qarshiman;
- Men barcha begunoh fuqarolarning o‘ldirilishiga qarshiman;
- Men kamsitishning har qanday shakliga qarshiman;
– Men islomofobiyaga qarshiman;
- Men antisemitizmga qarshiman;
– Men genosidga qarshiman;
- Aparteidga qarshi;
- Men ishg‘olga qarshiman;
- Men zulmga qarshiman.
Men o‘z pozisiyamdan afsuslanmayman. Insoniyat va mazlumlar uchun so‘nggi nafasimgacha bugun va har doim aytganlarimdan uzoqlashmayman va shu so‘zimda turaman.
Hech bir davlat oldida alohida mas’uliyatim yo‘q. Men biron bir shaxs yoki davlat xalqaro huquqdan ustun ekanligiga va ularning xatti-harakatlari shubha ostiga olinmasligiga ishonmayman.
Adolat tarafdori bo‘lib haqiqatni gapirishdan boshqa ilojim yo‘q, o‘zimga, ota-onamga, yaqinlarimga zarar yetkazsa ham shunday qilgan bo‘lardim.
So‘nggi 3 hafta ichida G‘azoda 3500 dan ortiq bolaning o‘ldirilganini hech qanday oqlab bo‘lmaydi. Save the Children tashkilotiga ko‘ra, G‘azoda har 10 daqiqada bir bola halok bo‘layotgan bo‘lsa, qanday qilib jim turamiz? Ya’ni 1 ta futbol o‘yinida 9 bola halok bo‘ldi. Bu raqam kundan-kunga ortib bormoqda.
Biz shunchaki jim turolmaymiz. G‘azodagi qotilliklarni zudlik bilan to‘xtatishga chaqirishimiz kerak!". – deb yozdi Al-G‘ozi o‘zining "Tvitter"dagi sahifasida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
