Superkompyuter 2023/24 yilgi mavsum yakuniy turnir jadvalini bashorat qildi. Mersisaydliklardan yaqindagina moliyaviy daromadlarni yashirganligi uchun 10 ochko olib tashlandi. Oqibatda, Shon Daych jamoasi 19 o‘ringa tushib ketdi. Bu haqida APLning rasmiy saytida shunday ma’lumot berilgan: "Mustaqil kommissiyaning xulosalaridan kelib chiqqan holda, qoidabuzarlik uchun "Everton"dan 10 ochko olib tashlandi".
Rasmiy sayt voqeaga aloqador ma’lumotlar keltirishda davom etar ekan, unda, jumladan shunday deyiladi: "Angliya Premyer-ligasi boshqaruv kengashi shu yilning avvalida "Everton"ga qarshi ish ochgandi. Shu sababli, moliyaviy tekshirishlar boshlanib, mustaqil ekspertlar guruhi ishni olib bordi. Oqibatda, klub qoidabuzarlik qilganini tan oldi. Moliyaviy hisobotlarning yashirilishi 2021/22 yilgi mavsum oxiriga tegishli bo‘lib, hozirga qadar tafsilotlar noma’lumligicha qolayotgandi. O‘tgan oyda o‘tkazilgan besh kunlik sud qayta-eshittiruvidan keyin, aniq bo‘ldiki, klub 124.5 million funt sarflab yuborgan. Bu esa ruxsat berilgan 105 millionlik qiymatdan ko‘p sanaladi. Aytilgan davr mobaynida kelgan foydalar ham yashirib kelingan. Shu sababli kommissiya 10 ochko olib tashlab jazosi berilishi borasida xulosaga keldi. Tayinlangan jazo shu zahoti kuchga kiritildi".
"Everton" qaror yuzasidan apellyasiya berish huquqiga ega. Agarda 10 ochko olib tashlash qarori bekor qilinmasa, "irislar"ning ahvoli og‘ir ekanicha qolaveradi. Jumladan, "Everton" endi mavsum oxiriga qadar APLda qolish uchun kurashishga mahkum bo‘lmoqda. Sun’iy ongga asoslangan kompyuter xulosalariga ko‘ra esa Liverpul klubining bu harakatlari muvaffaqiyatli yakunlanadi. Ular APLda qolishni uddalay olishi taxmin qilingan. Superkompyuter "Everton"ni 17 o‘rinda qolishini ma’lum qildi. Daych o‘z jamoasini 7 ochko farq bilan xavfsiz hududda olib qoladi. Chempionshipga yo‘l oladiganlar ro‘yxati esa "Byornli" (18), "Luton Taun" (19) hamda "Sheffild Yunayted"(20)dan tashkil topgan.
Turnir jadvalining yuqorisida vaziyat o‘zgarmaydi. Superkompyuter "Manchester Siti"ni yana chempion bo‘lishini bashorat qildi. "Arsenal" esa ikkinchi mavsum ham "shaharliklar"ga bas kela olmaydi. Kuchli to‘rtlik "Liverpul" va "Nyukasl"dan tashkil topadi. Qolgan yevrokubok o‘rinlarini "Aston Villa", "Tottenxem" hamda "Chelsi" egallaydi. Kutilmaganda "Manchester Yunayted" sakkizinchi o‘ringa tushib qoladi. Bu degani esa joriy davr klub tarixidagi eng yomon mavsumga aylanadi va "qizil iblislar" yevrokuboklardan bebahra qolishini anglatadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
