Superliga 25-turidan o‘rin olgan Olimpik – Navbahor (2:1) uchrashuvidan so‘ng mehmonlar bosh murabbiyi Samvel Babayan o‘z fikrlarini bildirib o‘tdi.
“Bugun o‘yinimiz yaxshi bo‘lmadi, ayniqsa, birinchi bo‘limda. Chempionatdagi to‘xtalishlar bizga qiyinchilik tug‘dirdi. «Bunyodkor» bilan uchrashuvda nisbatan yaxshi o‘yin ko‘rsatgandik. Bugun esa birinchi bo‘limni ko‘ngildagidek o‘tkaza olmadik. Bu nima bilan bog‘liq? Bilasizmi, menimcha psixologik muammo bilan bog‘liq deb o‘ylayman. Ikkinchi taymda yaxshi o‘ynagan bo‘lsakda, afsuski, to‘p darvozaga kirishni xohlamadi. Nima ham deyishim mumkin?
«Olimpik»ni g‘alaba bilan tabriklayman. Raqib yaxshi himoyalandi va yaxshi hujumga o‘tdi. Umuman, yaxshi futbol ko‘rsatdi. Har tomonlama sifatli o‘yin namoyish etdi. O‘rni kelganda aytishim mumkinki, gollar ham chiroyli darajada bo‘ldi. Bugun «Navbahor»ning kuni emas ekan. Nima ham derdim? Chempionatdagi intriga tugadi. Bu mavsumdagi natijalarni tahlil qilib chiqishga yana ozgina vaqt bor deb o‘ylayman. Avvalo, oldimizdagi uchta o‘yinni yaxshi o‘tkazib olishimiz kerak. Shundan so‘ng 2023 yilgi natijalarni tahlil qilsak bo‘ladi.
Yaxshiboyev hozirgi kunda davolanyapti va ayni paytda reabilitasiya jarayonini o‘tayapti. Uni terma jamoaga chaqirishganini sababi, Masharipov kutilmaganda terma jamoa bilan safarga bormaydigan bo‘lib qolgandi. Shu bois Yaxshiboyevni termaga chaqirishgan.
Mavsum boshida oldimizga qo‘yilgan vazifani bajara olmadik. Bu aniq fakt. Mavsumdagi oxirgi o‘yinimizni o‘tkazib olganimizdan keyin hammasini ko‘rib chiqamiz. Nimaga erishdik va nimaga erisha olmadik, ana shunda barchasini tahlil qilamiz. Kubok ham, chempionlik ham bizga nasib qilmadi. Nima uchun maqsadimizga erisha olmadik? Buni albatta o‘rganib chiqamiz.
Tan olaman, bizda tajribali murabbiy Aleksa Boshkovich ishladi. Afsuski, u hozir klubda yo‘q. Uni ketishi oilaviy sabablar bilan bog‘liq. U bilan kecha astoydil gaplashib oldik. O‘ylaymanki, «Navbahor» futbolchilarining hozirgi jismoniy tayyorgarligi a’lo darajada. Agar bu borada muammo bo‘lganida jamoamiz bugun 98 daqiqa davomida hujum qila olmasdi. Aytishim kerakki, Boshkovich o‘rnida mahalliy mutaxassis Sherzod Jo‘rayev ham yaxshi ishlayapti. Uning o‘rnini bildirmasdan yuqori darajada mehnat qilyapti”, – dedi Babayan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
