"Real" hozirda uchta muhim futbolchisini xochsimon paylar muammosi ortidan yo‘qotdi. Bu safga so‘nggi bo‘lib David Alaba qo‘shilgan edi. Bundan oldin darvozabon Tibo Kurtua hamda himoyachi Eder Militao shu muammo sababli safdan chiqqandi. Ayni damda "qirollik klubi" safida himoyachi muammosi yuzaga keldi. Alabaning uzoq muddat maydonga qayta olmasligini hisobga olsak, yanvar oyida yangi futbolchi sotib olish kerak. Quyida "Real"ning mudofaasini to‘ldiradigan variantlar keltiriladi.
Qimmat variantlar
Gonsalu Inasiu
Klub: "Sporting"
Yosh: 22
Narx: 60 million yevro
Kuchli tomoni: chap-oyoq
Kamchiligi: yӯq
Football Manager o‘ynaydigan muxlislar Inasiuni ko‘p tanlashadi. Negaki, u yosh va ishonchli. "Real" esa bu faktorlarni ko‘zdan qochirmaydi. Tarixan madridliklar Portugaliyadan yaxshi xaridlarni amalga oshirib kelgan. Pepe va Militao shular jumlasidandir. Bu safar ham shunday ish qilinishi mumkin. Nishon esa "Sporting" yulduzi Gonsalu Inasiu bo‘ladi.
Jan-Kler Todibo
Klub: "Nissa"
Yosh: 23
Narx: 45 million yevro
Kuchli tarafi: "Barselona"ni yomon ko‘radi
Kamchiligi: ba’zida qo‘pol xato qilib turadi
Ko‘pchilik tomonidan Todiboga yuqori baho berilmoqda. Balki u ham "Real"ga o‘tib, katta yulduzga aylanar? Agarda Madriddan taklif kelsa, buni rad etish juda ham qiyin bo‘lishi aniq.
Edmond Tapsoba
Klub: "Bayer Leverkuzen"
Yosh: 24
Narx: 55 million yevro
Kuchli tarafi: baquvvat
Kamchiligi: tezlik
"Bayer Leverkuzen" hozirda Bundesligada yetakchi. Ular chempion bo‘lishga intilmoqda. Shunday ekan, muhim figuralar mavsum yarmida sotilmaydi. O‘tgan yozda Tapsoba "Tottenxem"ga o‘tishiga bir bahya qolgan edi. Ammo qishki transferlar oynasi rahbariyatga qiziq emas.
Arzon variantlar
Rafael Varan
Klub: "MYU"
Yosh: 30
Narx: 15 million yevro
Kuchli tarafi: "Real"ni yaxshi biladi
Kamchiligi: yaxshi sherik kerak
"Manchester Yunayted" yangilanmoqda. Bosh murabbiy Varanni rejasiga qo‘shmayotgani aniq. Himoyachining amaldagi bitimi 2024 yilda tugaydi. Shu sababli u yanvarda arzonroqqa bo‘lsada, sotiladi.
Trevo Chaloba
Klub: "Chelsi"
Yosh: 24
Narx: 15 million yevro
Kuchli tarafi: ketishga tayyor ekani
Kamchiligi: zaxirada uzoq vaqt o‘tirib qolgan
Modomiyki, "Bavariya" Chalobani sotib olmoqchi bo‘lsa, nega "Real" ham urinib ko‘rmasligi kerak? Chaloba yosh va tajribali. Qolversa, u YECHL g‘olibi ham sanaladi.
Kelajak uchun variantlar
Leni Yoro
Klub: "Lill"
Yosh: 18
Narx: 25 million yevro
Kuchli tarafi: allaqachon asosiy tarkib a’zosi
Kamchiligi: hali ancha yosh
Oktyabr oyidan beri "Chelsi", "MYU" va "Liverpul" Yoro bilan bog‘liq vaziyatni jiddiy kuzatib kelmoqda. Yoro kabi, bir paytlar Varan ham Fransiyadan kelib, "Real"da porlagandi. Shunday ekan, bu ish takrorlanishi mumkin.
Yorrel Xato
Klub: "Ayaks"
Yosh: 17
Narx: 30 million yevro
Kuchli tarafi: "Ayaks" yomon holatda va klubga pul kerak
Kamchiligi: krizis davridagi mag‘lublik zehniyati mavjud bo‘lishi mumkin
17 yosh bo‘lishiga qaramay, Yorrel Xato bu mavsumdagi har bir bahsda maydonga tushmoqda. U shu yoshidayoq jamoaga sardorlik qiladi. Uning "Real"ga ketishi oldinga bosilgan katta qadam bo‘lgan bo‘lardi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
