APL startini «yondirgan» «Tottenxem» birdan to‘xtadi, go‘yo.
Ange Postekoglu jamoasi ajib g‘alabali seriyadan keyin orada naq 5ta o‘yinda raqibdan ustun kelish yo‘lini topolmadi (1ta durang va 4ta mag‘lubiyat). Boz ustiga, mavsum startida Garri Keyn yo‘qligini aslo sezdirmagan Janubiy Koreya milliy jamoasi yetakchisi Son Xyong Minning ishlari ham orqaga ketdi ma’lum muddat. To‘g‘ri, qit’adoshimiz APL 14-turidan o‘rin olgan «Manchester Siti»ga qarshi o‘yin (3:3)da o‘zini har tomonlama ko‘rsatdi: gol, avtogol va assist! APL tarixiga nazar solsak, koreys yigiti bunday noodatiy natijaga erishgan atigi 5-futbolchi bo‘ldi. Xo‘sh, Angliya chempionatida kimlar g‘ayrioddiy «xet-trik» qayd etishgan?
Son Xyong Min. «Tottenxem»ning «Manchester Siti»ga qarshi safar o‘yini koreyalik hujumchining 2ta goli bilan boshlandi. Faqat shunisi borki, 6-daqiqadayoq hisobni ochgan Son Xyong Min oradan ko‘p o‘tmay, muvozanat tiklanishiga sababchi bo‘lib qoldi. Qit’adoshimiz keyin jamoasining ikkinchi golida hammuallif rolini bajardi va «shporlar» yakunda ortga 1 ochko bilan qaytishdi (3:3).
Jeykob Remzi. «Aston Villa» yarim himoyachisi 2022 yilning noyabr oyida «MYU» bilan o‘yinda gol, avtogol va samarali uzatma muallifiga aylandi. Asosiysi, uning o‘z jamoasi darvozasiga to‘p kirib qo‘ygani natijaga uncha ta’sir qilgani yo‘q. Zero, «Villa» yakunda 3:1 hisobida g‘alaba qozondi va avtogolga qaramay, Remzi o‘yinning eng yaxshi futbolchisi sifatida e’tirof etildi.
Garet Beyl. 2012 yilning noyabr oyida o‘tkazilgan «Tottenxem» va «Liverpul» qarama-qarshiligida 3ta gol qayd etildi. O‘sha vaqt «shporlar» sharafini himoya qilgan Uels futboli faxri esa har 3ta golda bevosita ishtirok etdi - gol, avtogol va assist. Demak, bu holatda ham qahramonning jamoasi g‘alaba qozongan - 2:1.
Ueyn Runi. «Shrek» 2012 yilning oktyabr oyida bo‘lgan «MYU» - «Stok Siti» o‘yinida urilgan 6ta goldan 4tasida qatnashdi. Aniqroq aytsak, Runi «dubl» yoniga 1ta samarali uzatma va avtogol qo‘shib qo‘ydi. Muhimi, «qizil iblislar» 4:2 hisobida g‘alaba qozonishdi.
Kevin Devis. APLda kuzatilgan birinchi o‘zgacha «xet-trik». O‘shanda, ya’ni 2008 yilning dekabrida «Bolton» hujumchisi «Aston Villa» bilan bahsda jamoasining har ikki golida bevosita ishtirok etdi, biroq bu qahramonligi na o‘ziga tatidi va na boltonliklarga. Qisqasi, «Aston Villa» 4:2 hisobida ustun keldi Devisning avtogoli yordami bilan, albatta.
A.ABDUVALIXO‘JAYEV tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
