1 yanvar kuni Yevropaning bir qator top-ligalarida qishki transfer oynasi ochildi. Bir oy ichida klublar futbolchilarni sotib olish yoki ijaraga olish imkoniyatiga ega bo‘ladi.
Luis Suares: “Gremio” → “Inter Mayami” (erkin agent)
Devid Bekxem Lionel Messi Mayamida qulay bo‘lishi uchun hamma narsani qilmoqda. Asta-sekin "Inter" bir vaqtlar Barselonada Leo bilan birga o‘ynagan 30 yoshdan oshganlar klubini shakllantirmoqda. Jordi Alba, Serxio Buskets va endi Luis Suares. Urugvayning bu harakatini kutilmagan deb atash mumkin emas, chunki bu haqda avvalgi oylar davomida muntazam ravishda yozib borildi. Faxriy "1+1" sxemasi bo‘yicha shartnoma imzoladi.
Emil Forsberg: “RB Leypsig” → “Nyu-York Red Bulls”
Forsberg "Leypsig"da 9 yil o‘ynadi. Shvesiyalik ikkinchi Bundesligadan Chempionlar ligasining pley-off bosqichigacha yo‘l oldi. Germaniya kubogida ikkita, mamlakat Superkubogida bitta g‘alabaga erishdi. 324 uchrashuv, 71 gol, 69 golli uzatma. Endi Forsberg faoliyatini xorijda davom ettiradi va albatta, Red Bull klubida. Yarim himoyachi 2024 yilning 1 yanvaridan kuchga kirgan “2+1” sxemasi bo‘yicha shartnoma imzoladi.
Ugo Lyoris: "Tottenxem" → “Los-Anjeles”
Fransiyalik darvozabon "Tottenxem"da 11,5 yil o‘tkazdi va shu vaqt ichida 444ta o‘yinda maydonga tushdi. Lloris o‘tgan mavsumni sog‘lig‘idagi muammolar tufayli o‘tkazib yubordi va bu yil u maydonga tushmadi. 2023 yilning so‘nggi kunida "Tottenxem" o‘z maydonida "Bornmut"ni mag‘lub etdi (3:1), Lloris esa o‘yin oldidan maydonga tushib, muxlislar bilan xayrlashdi.
Erik Bayi: “Beshiktosh” → “Vilyarreal” (erkin agent)
Afrikalik himoyachi 2023 yilning sentyabrida “Beshiktosh”ga o‘tgan, biroq atigi 4 oy o‘tib klubini o‘zgartirgan. U Turkiyada bor-yo‘g‘i sakkizta o‘yinda maydonga tushdi. Rahbariyat Erik o‘z ishini noprofessional bajarayotganini va jamoa ichidagi muhitga salbiy ta’sir ko‘rsatayotganini sezdi. Bayi “Vilyarreal”ga qaytdi va u yerdan 2016 yilda “Manchester Yunayted”ga o‘tgan edi.
Donni van de Bek: “Manchester Yunayted” → “Ayntraxt Frankfurt” (ijara)
Van de Bek nihoyat “Manchester Yunayted”ni tark etdi. Har ikki tomon ham xursand bo‘lgan holatga o‘xshaydi. To‘g‘ri, hozircha niderlandiyalik futbolchi "Manchester Yunayted"ni ijara asosida tark etgan, ammo "Ayntraxt" sotib olish huquqiga ega. Joriy mavsumda 26 yoshli yarim himoyachi bor-yo‘g‘i 21 daqiqani maydonda o‘tkazdi. Uch yil avval “Manchester Yunayted” futbolchini “Ayaks”dan 39 million yevroga sotib olgandi, ammo o‘shandan beri u ingliz klubida o‘zini ko‘rsata olmadi.
Salomon Rondon: “River Pleyt” → “Pachuka” (erkin agent)
2023 yil boshida Rondon Argentinaga ko‘chib o‘tdi va "River Pleyt" bilan shartnoma imzoladi. U yerda 35 ta o‘yin o‘tkazib, 10 ta gol urgan. Biroq yil oxirida tomonlar o‘zaro kelishuvga ko‘ra shartnomani bekor qilishdi. Sababi - oilaviy qiyinchiliklar va moslashish bilan bog‘liq muammolar. Rondon Kolumbiya ligasiga o‘tish variantidan bosh tortdi va meksikalik "Pachuka" bilan shartnoma imzoladi.
Lukas Beraldo: “San-Paulu” → “PSJ” (20 million yevro)
Braziliyalik futbolchi faoliyatini Yevropaning top-klublaridan birida davom ettiradi. Parijliklar 20 yoshli futbolchini sotib olish uchun 20 million yevro sarflashdi.Tabiiyki, bungacha Beraldo faqat vatanida o‘ynagan. U “PSJ bilan 5,5 yillik shartnoma imzoladi va 35-raqamni egalladi. Transferdan so‘ng Beraldoning o‘zi bu o‘tishni faoliyatidagi muhim qadam deb atadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
