Yevro-2016da barchani hayratga solgan va barcha mehr qo‘ygan Islandiya terma jamoasi tarixda ikkinchi marta Yevropa chempionatiga chiqishga yaqin turibdi. Islandiyaliklar Isroilni mag‘lub etib, Yevro-2024 chiqishni imkoniyatini saqlab qoldi. Ushbu o‘yinning yarim finalning bosh qahramoni 48 daqiqa ichida xet-trik qayd etgan hujumchi Albert Gudmundsson bo‘ldi. Endi Islandiya termasi Ukrainani mag‘lub etishi kerak. Bu o‘yinda bosh qahramon Gudmundsson bo‘lishi mumkin, uning oilasi tarixi haqiqatan ham hayratlanarli.
Birinchidan, Gudmundssonning o‘zi haqida to‘xtalib o‘tamiz. U 26 yoshda va "Jenoa"da o‘ynaydi. Va u buni shunchalik yaxshi uddalaydiki, unga A Seriya yetakchisi va oxirgi Chempionlar Ligasi finalchisi qiziqish uyg‘otdi. Yaqinda Albertning "Inter"ga o‘tishi kutilayotgani haqida ma’lumot paydo bo‘ldi va transfer summasi 30 million yevro bo‘lishi mumkin.
La Gazzetta dello Sport xabariga ko‘ra, islandiyalik futbolchiga "Tottenxem" ham qiziqish bildirgan, biroq hujumchining o‘zi Italiyada qolishni afzal ko‘rgan. Gudmundsson joriy mavsumda 29 o‘yinda 12 gol va 4 golga assistentlik qilgan.
Albert Reykyavikda tug‘ilgan, 16 yoshidan Niderlandiya klublari “Xerenven”, PSV va “AZ Alkmaar”da tarbiyalangan. 2022 yilning yanvarida u atigi 1,5 million yevro evaziga Genuyaga ko‘chib o‘tdi. Islandiya terma jamoasida 2017 yil yanvarida 19 yoshida debyut qilgan va shu kungacha 36 o‘yinda 9 ta gol urgan. Darvoqe, Isroil bilan uchrashuvda hujumchi yangi mamlakat rekordini o‘rnatdi. U terma jamoaning ikkita xet-trik qayd etgan birinchi futbolchisiga aylandi (olti yil avval Indoneziyaga uchta gol urgan).
Lekin eng hayratlanarlisi Gudmundsson to‘rtinchi avlod futbolchisi hisoblanadi. Bundan tashqari, uning barcha ota-bobolari nafaqat to‘p tepishni bilishgan, balki Islandiya futbolida muhim rol o‘ynashgan. Ularning ba’zilari nafaqat futbolda, balki mamlakat ijtimoiy-iqtisodiy hayotida ham muhim vazifalarni bajargan.
Albertning otasi sobiq hujumchi Gudmundur Benediktsson. Futbolchi sifatida yaxshi darajada yetdi va terma jamoa safida 10 ta o‘yin o‘tkazdi. U hatto ikkita gol ham urgan.
Benediktssonning rafiqasi va Gudmundssonning onasi Kristborg Ingadottir. U sobiq Islandiya ayollar milliy jamoasi futbolchisidir. Faoliyatini tugatgandan so‘ng u murabbiylik faoliyati bilan ham shug‘ullangan. Chetdan olib qaralsa, Gudmundssonning ilk murabbiylari uning ota-onasi bo‘lgan.
O‘g‘li Niderlandiyaga ketganida, Ingadottir Albertning yangi mamlakatga moslashishiga yordam berish u bilan bir yilcha o‘zga mamlakatda yashagan. Keyinchalik Gudmundsson mustaqil hayotga qadam qo‘ydi.
Ingadottir, o‘z navbatida, Inga Byorn Albertssonning qizi. Bu inson mahalliy futbol uchun katta figura. U 1987 yildan 2012 yilgacha Islandiya chempionati tarixida eng yaxshi to‘purar bo‘lgan. Ingi Byorn milliy terma jamoa safida 1971-1979 yillarda 15 ta o‘yin o‘tkazib, 2 ta gol urgan.
Albertsson futbolchilik faoliyatini yakunlagach, siyosatga kirdi. U Islandiya parlamentida 1990 yillarning birinchi yarmida Fuqarolik partiyasi, keyin esa Mustaqillik partiyasi uchun kongressmen bo‘lgan. Bundan tashqari, u 1990 yillarda mahalliy “Valur”, “Breydablik”, “Keflavik”, “Hafnarfyordur” va “Styarnan” klublarini boshqarib, murabbiylik bilan shug‘ullangan. Uning o‘g‘li Albert Ingason ham professional darajada futbol o‘ynagan va Islandiya yoshlar terma jamoasida bitta o‘yin o‘tkazgan. Bu “Jenoa” hujumchisining amakisi.
Va keyin yosh islandiyalik futbol yulduzining oilaviy zinapoyasi uning katta bobosiga olib boradi, uning ismi ham Albert Gudmundsson edi. Bu Islandiya tarixidagi birinchi professional futbolchi! U 1923 yilda tug‘ilgan, 15 yoshida “Valur” safida debyut qilgan va 1944 yilda “Reynjers” jamoasiga o‘tgan. Shundan so‘ng u “Arsenal” “Milan”, “Nansi”, “Rasing” va “Nissa” klublarida faoliyat ko‘rsatgan.
U Islandiya futbol federasiyasida ham ishlagan va 1973 yilda raislikdan ketganidan so‘ng ko‘p yillik salmoqli ishi uchun oltin medal olgan. Gudmundsson hatto 1980 yilda mamlakat prezidentligiga nomzodini qo‘ygan, ammo saylovda mag‘lub bo‘lgan. 1987 yilda u soliq mojarosidan keyin iste’foga chiqdi va Fuqarolik partiyasiga asos soldi. Va yetti yil o‘tgach, vafot etdi. So‘nggi yillarda u Islandiyaning Fransiyadagi elchisi bo‘lib ishlagan.
2010 yilda Islandiya futbol federasiyasi bosh qarorgohiga kiraverishda Gudmundsson haykali o‘rnatilgan. Kichik Albert, albatta, katta bobosining nomini oldi. Ehtimol, bunday oila tarixi faqat Islandiyada rivojlanishi mumkin edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
