Krishtianu Ronaldu 3 yildan beri Italiyada o‘ynamadi, ammo "Yuventus" unga 9,8 million yevro maosh to‘lashi kerak.
Italiya futbol federasiyasining (FIGS) hakamlik komissiyasi aynan shunday qarorga keldi, garchi portugaliyalik bu summadan ikki barobar ko‘p talab qilgan bo‘lsa ham.
Bunday ulkan qarz qayerdan keldi?
Bu "Yuve"ning maosh borasidagi g‘alati manevri natijasidir. Pandemiya mavsumida 90 million yevro tejash uchun klub futbolchilar va murabbiy Maurisio Sarri bilan 2020-yilning mart, aprel, may va iyun oylari uchun to‘lovlarni kamaytirish bo‘yicha kelishuv imzolagandi. La Gazzetta dello Sport xabariga ko‘ra, butun jamoa va murabbiyga teng ta’sir ko‘rsatgan kollegial qaror faqat maoshlar nayrangidir. Ikkinchidan, har bir futbolchi bilan maxfiy tovon puli bo‘yicha muhokamalar olib borildi, uning tafsilotlari barchaga ma’lum emas. Ushbu kelishuvlar yuzasidan "Yuventus" ustidan 2018 yildan 2021 yilgacha bo‘lgan moliyaviy faoliyati bo‘yicha prokuror tekshiruvi o‘tkazilgan. 2022 yil mart oyida "Yuventus"ning sobiq yulduzi Paulo Dibala prokurorlarga aksariyat futbolchilar klubning to‘rt oylik maoshidan butunlay voz kechish taklifini qabul qilmaganini aytdi - bu faqat bitta keys. "Kelasi mavsumda (2021/22) biz uch oylik maoshimizni qaytarib olmoqchimiz", - dedi argentinalik futbolchi.
Dibala o‘ziga va’da qilingan narsani o‘z vaqtida olmadi, sudga murojaat qildi, ammo yakunda 3 million yevro (3,7 milliondan) tovon puli olishga rozi bo‘ldi xolos. O‘tgan yili Ronaldu bilan ham shunday kelishuv bo‘lgani malum bo‘ldi. Faqat unga ancha ko‘p - 19,6 million yevro tovon to‘lashi kerak edi.
Xo‘sh, Ronaldu bilan kelishuv bo‘lganmi yoki yo‘qmi?
Tergovchilarning dastlabki versiyasiga ko‘ra, "Yuventus" barcha tasdiqlovchi hujjatlarni, jumladan Ronaldu bilan kelishuvni ham yo‘q qilgan. Uzoq vaqt davomida o‘yinchi buning bitta nusxasini saqlab qolgan deb ishonishmoqda. Endi ma’lum bo‘ldiki, 2022 yilning mart oyida o‘sha tintuv paytida advokat Federiko Restanoning ofisida tovon puli to‘lash shartnomasi topilgan - klub futbolchi ketgan taqdirda ham uning puli qaytarilishini kafolatlagan ekan.
Hujjatda “Yuventus”ning sobiq sport direktori Fabio Paratichining vizasi bor edi, biroq Ronalduning imzosi yo‘q edi. Shu bois, «Yuve» kelishuvni qonuniy deb hisoblamadi va hech narsa to‘lamoqchi emasdi. Klub huquqshunoslarining keltirishicha, Ronaldu "Manchester Yunayted"ga ketayotganida "xalqaro transfer uchun zarur bo‘lgan ruxsatnoma"ga imzo chekkan. Taxminlarga ko‘ra, bu bilan futbolchi o‘zining sobiq jamoasiga nisbatan hech qanday moliyaviy da’vosi yo‘qligini tasdiqlagan. Italiya prokuraturasi bilan maslahatlashgandan so‘ng Ronaldu baribir klubni sudga berishga qaror qildi. Yakuniy qaror juda g‘alati bo‘ldi. Hamma aybdor, ammo Ronaldu baribir deyarli 10 million yevro oladi. Keling, eng qiziqarli qismga o‘tamiz.
Oktyabr oyida FIGS arbitraj komissiyasi barchani tinch yo‘l bilan kelishishga taklif qildi. Boshqa kuni ular o‘zlarining hukmlarini e’lon qilishdi.
● Klubning futbolchi oldidagi “shartnomadan oldingi javobgarligi” har ikki tomon imzolagan kompensasiya shartnomasisiz ham belgilanadi.
● Krishtianu "e’tiborsizlik tufayli" shartnoma jarayonida ishtirok etgan deb topildi.
● “Birgalikda beparvolik”ni hisobga olgan holda, “Yuve” futbolchi so‘ragan summaning yarmini to‘lashi kerak – 9,8 million yevro va foizlar.
"Yuve" huquqshunoslarining so‘zlariga ko‘ra, arbitraj futbolchilarga bosim o‘tkazilmaganini va maosh manevrining o‘zida firibgarlik (maoshni kamaytirish bo‘yicha kelishuv) yo‘qligini tan oldi, ammo klubni tovon puli to‘lash bo‘yicha keyingi muzokaralarni buzishda aybladi (xuddi shunday "shartnomadan oldingi javobgarlik" ham bor). Ya’ni kelishuvda Ronalduning vizasi yo‘qligi klubning aybi deb topilgan. To‘g‘rirog‘i, bu o‘zaro kelishuv asosida hal bo‘lishi kerak edi. Shu sababli, futbolchi faqat pulning yarmini oladi xolos.
Qizig‘i shundaki, "Yuventus" advokatlari o‘zlariga shunchalik ishonch bildirishganki, klub sudda mag‘lubiyatga uchragan taqdirda byudjetga mablag‘ ajratmagan bo‘lib chiqishi kerak edi. Hozirda apellyasiya berish imkoniyati o‘rganilmoqda. To‘g‘ri, Tuttosport ma’lumotlariga ko‘ra, FIGS qarorlariga e’tiroz bildirish faqat ma’lum holatlardagina mumkin. Ammo har doim Sport arbitraj sudiga (CAS) murojaat qilish imkoniyati mavjud.
Ronaldu "Yuve"ning katta muammolarining faqat bir qismi
Yuqorida aytib o‘tganimizdek, Ronalduning shartnomalari 2018 yildan 2021 yilgacha mo‘ljallangandi. "Yuventus"ning moliyaviy qoidabuzarliklari bo‘yicha tekshiruvlar chog‘i ham shu payti aniqlangan. Uni ikkita trekka bo‘lish mumkin - sport va fuqarolik. Sport jazosi: xayoliy kapital daromadlari uchun minus 10 ball, 718 ming yevro jarima, sobiq boshliqlarni diskvalifikasiya qilish.
Eslatib o‘tamiz, UEFA sanksiyalari ham qo‘llanilishi mumkin: bir yillik Yevropa musobaqalaridan chetlashtirish va 20 million yevro jarima (keyingi uch mavsumda takrorlanishi mumkinligiga qarab shartli ravishda 10 million) Yevropa moliyaviy qoidalarini buzganlik uchun. Shu bilan birga, Turin prokuraturasi fuqarolik tekshiruvini davom ettirmoqda, bu esa ko‘proq maxfiy maoshlarga qaratilgan va bu hali oxiriga yetmadi. Prokuraturaning fikricha, "tejalgan" 90 million yevrodan 60 millionga yaqinini jamoa "kul rang sxema" bo‘yicha - hisobotda ko‘rsatilmagan holda to‘lagan. Bu klubga qarshi asosiy shikoyat kelib chiqishiga sabab bo‘ladi. Bu holatda klub rahbarlari sakkiz yilgacha qamoq jazosiga mahkum bo‘ladi, klubga esa aniq miqdorlari sud tomonidan belgilanadigan jarima solinadi.
Agar o‘yinchilar rozilik bildirishsa, bu oqibatlardan qochishlari mumkin.
Ronaldu hech qanday xavf ostida emasdek. Puldan tashqari albatta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
