“Andijon” – “Metallurg” (1:1) uchrashuvidan keyingi matbuot anjumanida "Andijon" jamoasi ustozi Aleksandr Xomyakov ishtirok etdi.
- Hamma ko‘rdi, ancha og‘ir o‘yin bo‘ldi. Bunday sifatli muxlislikda biz g‘alaba qozonishimiz kerak edi. Afsuski, ikkinchi o‘yinda ham biz bunday ishqibozlarimiz qarshisida g‘alaba qozona olmadik. Juda asabiy o‘yin bo‘ldi. O‘z imkoniyatlarimizdan foydalana olmadik. g‘alabaga bo‘lgan intilish yigitlarda yuqori edi. Yaxshi harakat qildik, oldinga intildik. Lekin biz g‘alaba uchun yetarlicha kurasha olmadik. Hujumkor o‘yin bo‘ldi. Xissiyotlarga boy o‘yin bo‘ldi. Raqib ham yaxshi himoyalandi. Qanotlardan uyushtirgan hujumlarimiz ham o‘z samarasini bermadi. Raqib qarshi hujumlarda yaxshi o‘yin ko‘rsatdi. Bir vaziyatda ular shundan foydalanib gol urishdi.
- G‘alabaga nima yetishmadi?
- Hujumda yetarlicha yaxshi o‘ynay olmadik. Aniqlik yetishmadi. Shu bilan birga hujumlardagi noaniq harakatlar tufayli g‘alaba qozona olmadik. Chunki raqib yaxshi himoyalandi.
- Gol o‘tkazilganidan keyin bir qator zaxiradan o‘yinchilarni tushirdingiz. Bu o‘zgarishlar qanchalik o‘zini oqladi, deb o‘ylaysiz?
- Bunga qo‘shilaman va bir qator o‘yinlardan beri majburiy o‘zgarishlarni amalga oshiryapmiz. Zaxiradan maydonga tushgan o‘yinchilar o‘yinimizni kuchaytira olishdi, deb ayta olaman. Bunday ishqibozlar qarshisida maydonga tushish va to‘p surish har qanday futbolchiga qo‘shimcha mas’uliyat yuklaydi. Tarkibimiz medallar uchun kurashadigan holatda emas. Balki yigitlarda bosim bo‘lgandir. Mas’uliyat yuqori, maydonga chiqib g‘alaba qozonishimiz asosiy vazifamiz. Tan olaman, bir necha uchrashuvlardan beri maydonga tushgan futbolchilar o‘yinni to‘liq kuchaytira olmayaptilar. Ba’zida tajriba yetishmayapti. Yuqorida aytganimdek, raqib aqlli himoyalandi. o‘yinimizda o‘ziga yarasha rejalarimiz bor edi. Lekin o‘xshamadi. Yarim himoyachilarimizga aniqlik yetishmadi. Qanotlarda ham muammolarimiz borligi ko‘rinib turibdi. Buni keyingi o‘yinlarda bartaraf qilamiz. Samiyevni o‘yinida ham tajovuzkorlik yetishmadi, uni bugun muntazam ravishda qo‘riqlab turishdi.
- “Andijon” oxirgi uchta turdan beri yutolmayapti. Bu haqida nima deya olasiz?
- O‘yin sifati meni qoniqtirmayapti. Hujumlarda ijodkorlik hamda vaziyatlardan unumli foydalanish yetishmayapti. Himoyada ham bir qator muammolar bor. Har o‘yinda gol o‘tkazib yuboryapmiz. Bilib turibman, uyda yuta olmayapmiz. Vaziyatni to‘g‘rilash choralarini ko‘ramiz.
- O‘zingiz ham aytib o‘tdingiz, har uchrashuvda jamoa gol o‘tkazib yuboryapti. Litovkaning o‘yinidan qoniqyapsizmi?
- To‘g‘ri, u 10 ta o‘yin o‘tkazdi. O‘yinlarni tahlil qiladigan bo‘lsak, 10 ta uchrashuvdan faqat bittasida qo‘pol xatoga yo‘l qo‘ydi. Uni aybdor sifatida ko‘rsatib bo‘lmaydi. Umumiy ma’noda, u deyarli xato qilmayapti. Shu bois biror nimani o‘zgartirish shart emas. Ha, bizda boshqa darvozabonlar ham bor. Lekin ularda o‘yin amaliyoti kam. 10 ta o‘yinda bitta xato qilganligi menimcha yomon ko‘rsatkich emas" - dedi Xomyakov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
