O‘zFHM matbuot xizmati Superliga 8-turidan o‘rin olgan “Surxon" – “Nasaf" bahsi, Superliga 11-turi doirasidan o‘rin olgan “Qizilqum” – “Andijon” klublari o‘rtasidagi uchrashuv hamda Pro liga 13-turidan o‘rin olgan "Do‘stlik" – "Qo‘qon-1912” bahslarida yuzaga kelgan bahsli vaziyatlar yuzasidan O‘FA Hakamlar qo‘mitasi qarorini ma’lum qiladi:
1. Superliga 8-turidan o‘rin olgan “Surxon" – “Nasaf" bahsi bosh hakami Ilgiz Tantashev o‘yinda yo‘l qo‘ygan xatolari tufayli uchrashuv nazoratchisi tomonidan 7,4 (qoniqarsiz) bahosiga loyiq ko‘rildi. Unga ko‘ra, O‘FA Hakamlar qo‘mitasi tomonidan Ekspert-hakamlar komissiyasining chiqargan xulosasi, uchrashuv nazoratchisining qo‘ygan bahosi inobatga olingan holda bosh hakamga Hakamlar tartib-intizom kodeksining 2.3 bo‘limning 1-bandlari va 4-bo‘limning 4.3 bandiga asosan, birinchi mavsum oxiriga qadar Superliga uchrashuvlaridan (8 ta tur - 9, 10, 11, 12, 13-turlardan va 2 ta qoldirilgan uchrashuvlar, Superkubok) chetlatish, o‘yin uchun belgilangan hakamlik maoshidan 75% miqdorida olib tashlash jarima-intizom chorasi qo‘llanildi;
2. Superliga 11-turi doirasidan o‘rin olgan “Qizilqum” – “Andijon” klublari o‘rtasidagi uchrashuvning bosh hakami Sardor Ismatullayev, VAR hakami Aziz Asimov o‘yin davomida yo‘l qo‘ygan xatolari uchun o‘yin yakunidan so‘ng uchrashuv nazoratchisi Oleg Dachev tomonidan bosh hakam 7.9, VAR hakam C bahosiga loyiq ko‘rilgan. Lekin ushbu uchrashuv Ekspert-hakamlar komissiyasi tomonidan takroran ko‘rib chiqilgandan so‘ng bosh hakamning bahosi uchrashuv natijasiga ta’sir qilgan xatolari uchun 7.1, VAR hakamning bahosi D ekanligi, uchrashuv nazoratchisi baholarni yuqori qo‘yganligi aniqlandi. Yuqoridagilarni inobatga olgan holda:
Sardor Ismatullayevga nisbatan mavsum oxiriga qadar Superligadan chetlashtirish, quyi ligaga tushirish va uchrashuv uchun belgilangan to‘lovdan 75 % olib tashlash jarima intizom chorasi qo‘llanildi.
Aziz Asimovga nisbatan 4 ta tur uchrashuvlariga VAR hakamlikdan, 4 ta tur uchrashuvlariga bosh hakamlikdan chetlashtirish va uchrashuv uchun belgilangan to‘lovdan 100 % olib tashlash jarima intizom chorasi qo‘llanildi.
Oleg Dachevga nisbatan 8 ta (Superligadan) uchrashuvlariga nazoratchilikdan chetlashtirish va uchrashuv uchun belgilangan to‘lovdan 100 % olib tashlash jarima intizom chorasi qo‘llanildi;
3. Pro liga 13-turidan o‘rin olgan "Do‘stlik" – "Qo‘qon-1912” bahsi bosh hakami Ibrohim Ismoilov o‘yinda yo‘l qo‘ygan xatolari tufayli uchrashuv nazoratchisi tomonidan 7,4 (qoniqarsiz) bahosiga loyiq ko‘rildi. O‘FA Hakamlar qo‘mitasi tomonidan bosh hakamga Hakamlar tartib-intizom kodeksining 2.3 bo‘limning 1-bandlari va 4-bo‘limning 4.3 bandiga asosan, Superliga va Pro liga uchrashuvlaridan 6 ta turga chetlatish, o‘yin uchun belgilangan to‘lovdan 75% miqdorida olib tashlash jarima-intizom chorasi qo‘llanildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
