Superligada 16-tur bahslari davom ettirildi. Samarqandning "Dinamo" klubi bu tur o‘z maydonida OKMKni qabul qildi va 3:2 hisobida g‘alaba qozondi. Bellashuvdan so‘ng jamoa bosh murabbiyi Vadim Abramov matubot anjumanida ishtirok etdi.
G‘alaba qozonish doim yoqimli, biroq uchrashuvni yomon boshlaganimizni ta’kidlash shart. Yigitlarga oxirigacha jang qilishgani uchun tashakkur aytaman. Murabbiylar uchun og‘ir o‘yin bo‘ldi. Yakunda ikki jamoa ham gol kiritib g‘alaba qozonishni istadi, biroq omad bizga kulib boqdi. Nega penaltini bekor qilishganini bilmadim. Muxlislarga bugungi atmosfera uchun minnatdorchilik bildiraman.
Bu mavsumda 3 marotaba kambekni amalga oshirdinglar. Juda yuqori temp bo‘ldi. Neftchi bilan bahsda esa...
Farg‘onada biz yomon emas, noto‘g‘ri o‘ynadik. Ayniqsa, chetlatish sodir bo‘lgach biz o‘yinni to‘g‘ri qura olmadik. Bo‘shashgagandek bo‘ldik. Erta g‘alaba qozongandek his qildik o‘zimizni. Bugun ham yo‘q joydan gol o‘tkazib yubordik penalti ortidan. Bugun raqib ochiq futbol o‘ynagan bo‘lsa, Farg‘onada raqib himoyaga qaytib olgan edi.
Siz birinchi bo‘limni o‘zida o‘zgarish qilsangiz, o‘sha o‘yinda hech narsa o‘xshamagandek tuyuladi...
Buni doim amalga oshiraman deb ayta olmayman. Menimcha, Samarqandga endi kelgan davrlarimdan kelib chiqib aytyapsiz. O‘tgan bellashuvdan kelib chiqsak, raqib bir kishi kam bo‘lib qoldi. O‘yin rejasi bellashuv avvalida boshqacha edi. Vaziyatga moslashish uchun keraksiz futbolchini almashtirdik. Balki, bu omadsiz o‘zgarishlar bo‘lgandir. Ba’zan, himoyachilarimizning qaror qabul qilishini ko‘rib hayron qolaman. Ularga hammasini tushuntiramiz va futbolchi nega bunday o‘ynaganini o‘zi ham tushunmaydi. Bugungi birinchi gol so‘zimga isbot bo‘lishi mumkin.
Braziliyalik legionerning debyuti haqida fikringiz qanday?
Braziliyaliklarda adaptasiya sekin o‘tadi. Umid qilamizki, u o‘zini yana ham yaxshi ko‘rsatadi. Birinchi o‘yin uchun yomon emas. Boshqa braziliyalik futbolchimiz bugun maydonda yaxshiroq ko‘rindi.
Darvozaga qo‘yilgan 2 ta penalti ko‘p emasmi? O‘rozovdan ko‘p narsa kutilgan edi, ammo u og‘irroq harakat qilmoqda?!
O‘rozov bugun kechki soat 17:00 da jamoamiz safiga kelib qo‘shildi. U kecha uylangan edi. To‘yni ertasi kuniyoq maydonga tushdi. Bugun bizda himoyachi yo‘qligi uchun uni maydonga tashladik. U tayyor emasligi aniq edi. Ertaga o‘rinbosarlar tarkibida maydonga tushadi va jismoniy xolatini yaxshilab oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
