«Paxtakor» – «Andijon» (3:1) o‘rtasidagi uchrashuv yakuniga yetganidan keyin matbuot anjumani uyushtirildi. Unda dastlab mehmonlar bosh murabbiyi Aleksandr Xomyakov ishtirok etdi.
— Uchrashuv haqidagi umumiy fikrlaringiz bilan o‘rtoqlashsangiz...
— Albatta, yutqazib qo‘yganimiz alam qiladi. Yomon o‘ynadik. Natija uchun to‘p tepdik. Birinchi golni kerak bo‘lmagan holatda o‘tkazib yubordik. Vaziyatni oxirigacha baholay olmaganimiz tufayli burchak to‘pidan so‘ng gol o‘tkazib yubordik. O‘zimiz yuzaga keltirgan vaziyatlarda esa oxirgi pallada nimadir yetishmasdan qoldi. Aniqrog‘i, diqqatni bir joyga jamlay olmadik. Keyinchalik ochiq futbol namoyish etishga harakat qildik. Baxtga qarshi urinishlarimiz zoye ketdi. Xullas, raqib jamoa g‘alabaga haqqoniy erishdi va bu bilan ularni tabriklayman.
— Jamoangizning o‘yin uslubi haqida. «Andijon» aksar hollarda ikkinchi raqam ostida to‘p suradi. Yuqorida aytib o‘tganingizdek, bugun shogirdlaringiz ochiq-hujumkor o‘yin namoyish etishga harakat qilishdi. Nima, bu o‘ylangan rejamidi yoki o‘tkazib yuborilgan tezkor gol shunday harakatlanishingizga majbur qildimi?
— Darhaqiqat, tezkor gol o‘tkazib yuborishimiz mumkinligini o‘ylamagandik. Birinchidan, raqibning uchta himoyachi bilan o‘ynashi mumkinligini taxmin qilgandik. Ammo boshlang‘ich tarkib bizni biroz shoshirib qo‘ydi. Ammo shunda ham bo‘sh kelmadik va asosiy urg‘uni maydon markazini egallashga qaratdik. «Paxtakor»ning muammoli chiziqlarini inobatga olgan holda shunga intildik. To‘g‘risi, natija uchun o‘ynash oxir-oqibat pand berib qo‘ydi. Raqibning goliga javob qaytara olganimizda hammasi boshqacha kechgan bo‘lardi. «Paxtakor» bilan ochiqchasiga o‘ynashning o‘zi tavakkalchilik. Albatta, bizda ham bo‘sh chiziqlar yo‘q emas. Kerak bo‘lmagan gol pirovardida qimmatga tushdi. Ehtimol, o‘yinchilarni almashtirish chog‘ida ham aynan kimlarni maydonga tashlashni to‘g‘ri baholay olmagandirman. Vaholanki, shu orqali vaziyatdan chiqib ketsak kerak, degan fikr xayolimni egallab olgandi.
— Jamoa ikkinchi bo‘limga xuddi toliqqandek chiqdi. Yana bir savol: Kubokdan keyin futbolchilarda motivasiya qolmadimi?
— Musobaqa jadvalidagi holatimizga qarang: qanaqasiga motivasiyani yo‘qotgan bo‘lishimiz mumkin?! Avvalo, charchoq va muayyan muammolar qanday bo‘lsa, o‘shandayligicha qolgan. Qarang, o‘ta oddiy holatlarda ham to‘pni yo‘qotib qo‘yyapmiz! Bizga aritmiya yetishmay qolmoqda. Tezkor hujumga o‘tish paytida ham ana o‘sha aritmiya bizga yetishmayapti. Shuningdek, to‘p ustidan nazorat qilishni ham ancha o‘rganishimiz kerakligini sezib turibmiz. Baxtga qarshi ko‘pincha bir xil xatolarga yo‘l qo‘yyapmiz. To‘pni yo‘qotib qo‘yayotganimiz kamlik qilayotganidek, shoshma-shosharlikka yo‘l qo‘yyapmiz. Bu esa navbatdagi xatoliklarni keltirib chiqarmoqda. Futbolda tempni doimo oshirishning iloji yo‘q. Raqibga bosim bilan hujumlar tashkil etish katta kuchni talab qiladi. «Paxtakor» esa bunday vaziyatlardan osonlikcha chiqa oldi. Shuning evaziga bo‘lsa kerak, biz nazoratni qo‘ldan chiqarib yubordik. Motivasiya qolmadimi, degan gapga yana qaytadigan bo‘lsam, yo‘q, qanaqasiga motivasiyani yo‘qotgan bo‘lishimiz mumkin?!
— Kubok sohibi sifatida «Andijon» xalqaro sahnadagi o‘yinlarga tayyorgarlik ko‘rishi kerak. Hozirgi tarkib bunga tayyormi?
— Hali oldinda chempionatning yana uchta uchrashuvi turibdi. Shuning uchun avval bo‘lajak o‘yinlarga hozirlik ko‘raylik. Qolganini keyin gaplashamiz, maylimi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
