30 noyabr kuni Superliganing so‘nggi turida “Andijon” Namanganda “Navbahor”ga qarshi vodiy derbisida maydonga tushadi. Tabiiyki, bor e’tibor bo‘lajak o‘yinga qaratilgan. Bu borada “Andijon” jamoasi namanganliklarga qarshi bahsga astoydil tayyorgarlik ko‘ryapti.
Ma’lumki, oktyabr oyida ham bu jamoalar O‘zbekiston Kubogi finalida to‘qnash kelishgan va unda sevimli jamoamiz tarixiy g‘alabani qo‘lga kiritishgan. Undan avval esa “Burgutlar” chempionat doirasida “Bobur arena”da “Navbahor”ni 3:0 hisobida taslim qilishgan.
“Andijon”ning tinib-tinchimas futbolchisi, qanotda o‘zining reydlari bilan raqiblarga jiddiy xavf tug‘dirib kelayotgan yarim himoyachi Bektemir Abdumannonov vodiy derbisi oldidan klub matbuot xizmatiga intervyu berdi.
- Bektemir, chempionat yakuniga bir tur qoldi va “Andijon” oxirgi o‘yinni Namanganda o‘tkazadi. Ushbu uchrashuv oldidan nimalarni o‘ylayapsiz va tayyorgarlik qanday ketmoqda?
- Jamoa bilan oxirgi o‘yinga juda yaxshi tayyorlanyapmiz. Bu yilgi mavsumni g‘alaba bilan yakunlab qo‘ymoqchimiz. Hamma yaxshi kayfiyatda damga chiqib ketishni xohlaydi.
- Ma’lumki, “Andijon” shu yilning o‘zida “Navbahor” bilan ikki marta o‘ynadi va ikkalasida ham uchtadan gol urib g‘alaba qozondi. Ayting-chi, “Navbahor” “Andijon” uchun qulay raqibga aylandimi?
- Derbi uchun alohida tayyorgarlik bo‘ladi. Jamoa yaxshi kayfiyatda. Namanganda ajoyib o‘yin bo‘ladi. Barcha muxlislarimizni ushbu uchrashuvga chorlab qolamiz.
- Oktyabr oyidagi O‘zbekiston Kubogi finalidan keyin “Navbahor” qanchalik o‘zgardi, deb o‘ylaysiz?
- “Navbahor” yaxshi jamoa. Final bitta o‘yindan iborat bo‘lgani uchun omad bizga kulib boqdi. Chempionatning oxirgi uchrashuvi ham qiziqarli kechadi.
- “Andijon” so‘nggi tur oldidan “Dinamo”ni yirik hisobda yutdi va Superligada to‘g‘ridan-to‘g‘ri qolish masalasini hal qildi. Bu g‘alaba jamoaga qanchalik ta’sir ko‘rsatdi, deb o‘ylaysiz?
- Bizga g‘alaba kerak edi va buni uddaladik. Keyin bir kun dam oldik. Oxirgi uchrashuv uchun hamma diqqat-e’tiborini qaratgan. Nasib qilsa, biz o‘z muxlislarimizni xursand qilamiz.
- Bu yil vodiy derbilarida to‘p surib o‘zingiz uchun nimani kashf qildingiz?
- Vodiy derbisi har doim alohida o‘yindek o‘tadi. Nima kashf qilgan bo‘lsam ham buni jamoam bilan amalga oshirdim.
- Namangandagi uchrashuvda eng asosiy e’tibor qaratishimiz kerak bo‘lgan jihat, nima?
- Faqat g‘alaba! Chempionatni yaxshi kayfiyatda yakunlamoqchimiz.
- “Andijon” hech kimdan qo‘rqmaydi va ayniqsa yetakchilarga qarshi qanday o‘ynashni yaxshi biladi. Masalan, Kubok finali bunga yaqqol misol. Shu nuqtai nazardan kelib chiqib aytadigan bo‘lsak, oxirgi o‘yinda qanday qilib ijobiy natijaga erishishni ko‘zlayapsiz?
- Murabbiyni aytganini qilsak va to‘g‘ri harakat qila olsak, albatta yutamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
