Milliy Olimpiya qo‘mitasida O‘zbekiston o‘q otish, gandbol va suzish federasiyalarining navbatdan tashqari hisobot-saylov konferensiyasi bo‘lib o‘tdi.
Federasiyalarga yangi rahbar saylanib, yangi Olimpiya sikli uchun rejalar ko‘rib chiqilgan mazkur tadbirda Sport vaziri Adham Ikramov, Otabek Umarov boshchiligidagi MOQ rahbariyati, mamlakat o‘q otish, gandbol hamda suzish federasiyasi mutasaddilari ishtirok etishdi.
O‘zbekiston Respublikasi Prezidentining “O‘q otish sport turlarini yanada rivojlantirish va ommalashtirish chora-tadbirlari to‘g‘risida”gi 381-son qaroriga muvofiq federasiya faoliyati yanada takomilashtirilib borilmoqda. Shundan kelib chiqqan holda konferensiya ishtirokchilari O‘zbekiston o‘q otish federasiyasi raisligiga Mudofaa vaziri, general-mayor Xalmuxamedov Shuxrat G‘ayratdjanovich nomzodini ilgari surishdi. Nomzod delegatlar tomonidan bir ovozdan ma’qullandi va SH.Xalmuxamedov mamlakat o‘q otish federasiyasi raisi lavozimiga saylandi.
Tadbirda “Navoiy kon-metallurgiya kombinati”ning bosh direktori, O‘zbekiston Qahramoni Sanoqulov Quvondiq Sanoqulovich nomzodi O‘zbekiston gandbol federasiyasi raisi lavozimiga ilgari surildi. O‘z navbatida, Sport vaziri Adham Ikramov sport sohasida ham ulkan tajribaga ega bo‘lgan, bir necha yillar davomida mamlakat suzish federasiyasi raisi lavozimida faoliyat olib borgan Quvondiq Sanoqulovich haqida iliq fikrlar bildirib o‘tdi. Delegatlar ushbu nomzodni bir ovozdan ma’qullashdi va Q.Sanoqulov mamlakat gandbol federasiyasi raisi lavozimiga saylandi.
Shuningdek, O‘zbekiston kasaba uyushmalari federasiyasi tomonidan so‘nggi yillarda hududlarda suv sporti turlarining moddiy-texnik bazasini yaxshilash borasida qator ishlar amalga oshirilmoqda. Jumladan, Namangan viloyati va Toshkent shahrida jahon standartlariga mos keladigan 50x25 metr o‘lchamdagi havzalar foydalanishga topshirildi. Qashqadaryoda ayni paytda navbatdagi ob’ekt – zamonaviy suv sport turlari saroyi qad rostlayotgan bo‘lsa, Toshkent viloyatida yana bir suzish havzasi qurilishi loyihalashtirilyapti.
Federasiyaning avvalgi rahbari Q.Sanoqulov mamlakat gandbol federasiyasi boshqaruviga o‘tgani va yuqoridagi jihatlarni inobatga olgan holda, suzish federasiyasi rahbari lavozimiga O‘zbekiston kasaba uyushmalari federasiyasi raisi Rafikov Qudratilla Mirsagatovich nomzodi ilgari surildi. Tadbirda qatnashgan delegatlar ushbu nomzodni bir ovozdan ma’qullashdi va Q.Rafikov mamlakat suzish federasiyasi raisi etib saylandi.
Shundan so‘ng, O‘zbekiston o‘q otish, gandbol va suzish federasiyalarining Los-Anjeles-2028 yozgi Olimpiya o‘yinlariga tayyorgarlik rejasi ko‘rib chiqildi. Unda sportchilarimizni lisenzion musobaqalarga tayyorlash, terma jamoa moddiy texnik-bazasini yanada yaxshilash borasida tavsiyalar ilgari surilib, bu borada amalga oshirilishi lozim bo‘lgan ishlar belgilab olindi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
