O‘zbekiston Futzal federasiyasi Prezidenti Bekzod Mamatqulov Filippin Futbol federasiyasi Prezidenti Jon Entoni Guteres bilan uchrashdi.
Toshkent mezbonlik qilayotgan futzal bo‘yicha Osiyo chempionati saralash o‘yinlari doirasida Filippin futzal terma jamoasi delegasiyasiga rahbarlik qilayotgan Jon Entoni Guteres kecha bo‘lib o‘tgan O‘zbekiston va Filippin terma jamoalari o‘rtasidagi o‘yinni bevosita majmuaning o‘zidan kuzatdi. Mamlakatimizda futzal, ayniqsa ayollar futzaliga berilayotgan e’tibor, zamonaviy sport inshootlari, tomoshabinlarning muxlislik madaniyati bilan tanishdi. Bu boradagi taassurotlarini O‘FF prezidenti bilan uchrashuv chog‘ida mamnunlik bilan e’tirof etdi.
Shuningdek, Filippin futboli rahbari yurtimizga tashrifi samarali bo‘lganligini qayd etib, O‘zbekiston ayollar futzal terma jamoasining o‘z yurtida o‘tadigan Jahon chempionatiga tayyorgarligi bilan qiziqdi, futzalchi qizlarimizning tajriba va mahorat bobida qit’ada yetakchilar qatorida ko‘rishini, albatta, Jahon chempionatiga yo‘llanma olishiga ishonishini ta’kidladi. Eslatib o‘tamiz, 2024 yilning 15 may kuni FIFA tarixdagi ayollar o‘rtasidagi birinchi futzal bo‘yicha Jahon chempionatiga Filippin mezbonlik qilishini, oktyabr oyida esa bevosita musobaqa sanalarini e’lon qilgandi.
O‘z navbatida, Jon Entoni Guteres Filippin ushbu musobaqaga puxta tayyorgarlik ko‘rayotgani va uni yuqori darajada o‘tkazish uchun barcha zarur ishlar amalga oshirilayotganini ta’kidladi.
Ikki davlat futboli va futzali rahbarlari kelgusida sohaning barcha yo‘nalishlarida do‘stona munosabatlarni mustahkamlashdan, doimiy hamkorlik qilishdan manfaatdor ekanliklarini bildirishdi. Jumladan, O‘zbekiston va Filippin futzal terma jamoalari o‘rtasida o‘rtoqlik uchrashuvlari hamda birgalikda o‘quv-mashg‘ulot yig‘inlari tashkillashtirish borasida kelishib olishdi.
Ma’lumot uchun: Jon Entoni Guteres 1977 yilda tavallud topgan. 2023 yilning 25 noyabrida Filippin futbol federasiyasi prezidenti etib saylangan. Shuningdek, “Air Juan” charter aviakompaniyasi rahbari hisoblanadi. Bir muncha vaqt “Pachanga United” klubiga egalik qilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
