BMTning tinchlik elchisi Jeyn Gudoll Marokashda itlarni ommaviy qatl etilishi masalasida FIFAga murojaat qildi.
Eslatib o‘tamiz, avvalroq ma’lum bo‘lishicha, Marokash hukumati 2030 yilda bo‘lib o‘tadigan futbol bo‘yicha Jahon chempionati oldidan 3 milliondan ortiq daydi itlarni qatl etishni rejalashtirgan.
Shu munosabat bilan, Britaniya faoli FIFAning bosh kotibi Mattias Grafstryomga ochiq xat yo‘llab, hayvonlarning yo‘q qilinishining oldini olishga chaqirdi.
"Marokash hukumatining Jahon chempionati o‘tkaziladigan joylarni xorijiy mehmonlar uchun "jozibadorroq" ko‘rsatish maqsadida daydi itlarni ommaviy qatl etish bo‘yicha amalga oshirayotgan harakatlari haqidagi xabarlar meni qattiq hayratga soldi. Shuningdek, IAWPC (Xalqaro hayvonlarni himoya qilish koalisiyasi) tomonidan berilgan ma’lumotga ko‘ra, bu mudhish ishlar haqidagi hujjatli materiallar sizga taqdim etilgan bo‘lsa-da, e’tiborsiz qoldirilganidan qo‘rqaman.
Futbol muxlislarining, ularning ko‘pchiligi hayvonlarni sevuvchilar ekanligini bilasiz. Ular bu haqda bilib qolsa, qanday munosabat bildirishini tasavvur qila olasizmi? Mamlakatni boykot qilish chaqiriqlari bo‘lishi mumkin, shuningdek, turnirning homiylariga, jumladan, Qatar Airways kompaniyasiga ham bosim o‘tkazilishi ehtimoli bor. Bundan tashqari, bu FIFAni yana jamoatchilikning diqqat markaziga olib chiqadi. Men siz FIFA obro‘sini tiklash uchun ish olib borayotganingizni bilaman, lekin agar chora ko‘rilmasa, FIFA qo‘rqinchli shafqatsizlikda ishtirok etgan tashkilot sifatida taniladi.
Men sizga qatl etish ishlarini to‘xtatishga kafolat berishingizni va Marokashga uning mezbon-davlat maqomi bu harakatlar to‘xtamaguncha bekor qilinishi haqida xabar berishingizni qat’iy tavsiya qilaman. Boshpanaga muhtoj itlarning populyasiyasini nazorat qilishning ko‘pgina insoniy alternativ usullari mavjud bo‘lib, ularni amalga oshirishda Marokash hukumatiga yordam berishga tayyor xalqaro tashkilotlar bor.
Futbol nomi bilan amalga oshirilayotgan bu shafqatsizlik kampaniyasini hech qanday oqlab bo‘lmaydi. Men sizdan FIFAning bosh kotibi sifatida zudlik bilan bu harakatlarni to‘xtatish uchun chora ko‘rishingizni va dunyoning barcha futbol muxlislarining hurmatini qozonishingizni so‘rayman", – deyiladi Gudollning ochiq xatida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
