Portugaliyalik mutaxassis Ruben Amorim «MYU» boshqaruvini o‘z tasarrufiga oldi - murabbiyga o‘ta badavlat va nomdor jamoaga boy berilgan yuksak nufuzini qaytarishdek mas’uliyatli vazifa nasib etdi
Muvaffaqiyatsiz transferlar oqibatida mushkul holatga tushib qolgan «qizil iblislar» oxir-oqibat Erik ten Xag bilan xayrlashishga majbur bo‘lishdi. Ehtimol, transferlar masalasida Amorim ovoz berish huquqiga ega bo‘lar. Shu sababli Amorimning «Sporting» bosh murabbiyi lavozimida amalga oshirgan 10ta eng qimmat xaridlarini e’tiboringizga havola etishga qaror qildik.
10. Yeremiya Sent-Jast (9,5 mln. yevro)
2022 yilning o‘rtalarida «Sporting» bu himoyachini «Mayns» klubidan xarid qilgandi. Niderlandiyalik futbolchi Amorim jamoasining himoyachilar uchligida asosiy o‘yin-chi maqomda 55ta uchrashuvda maydonga tushdi. Aynan shu jamoada Yeremiya o‘tgan mavsumda o‘z faoliyatidagi dastlabki chempionlik unvonini qo‘lga kiritdi. Keyin u jarohatga chalinib, yaqinda yana safga qaytdi.
9. Ruben Vinagre (10 mln. yevro)
2021|22 yillar mavsumini ijarada o‘tkazgan Ruben lissabonliklar ishonchini oqlab, «Sporting» bilan shartnomaga imzo chekdi. Hozir Ruben shu jamoa a’zosi, lekin bir mavsumni «Xall»da, keyingisini «Everton»da o‘tkazdi. Keyin esa Italiyadagi qisqa fao-liyatdan Polshaga yo‘l oldi va Varshavaning «Legiya»sida to‘p surmoqda.
8. Ivan Fresneda (9 mln. yevro)
«Sporting» Fresnedaning bo‘lajak transferidan keladigan daromadning 10 foizini «Real Sosyedad»ga beradi. Ispaniyalik navqiron futbolchiga talab kuchli. Aytishlaricha, u bilan «Barselona», «Arsenal» va «Roma» qiziqib qolgan. Afsuski, Ivanning dastlabki mavsumi jarohat olgani tufayli uzilib qolgandi, lekin u qisqa vaqt ichida sport formasini tiklab oldi va Yevropadagi eng yaxshi o‘ng qanot himoyachilari qatorida bormoqda.
7. Pedru Gonsalvesh (14,3 mln. yevro)
«Sporting» bu futbolchini 2020 yilning yanvarida «MYU»ga o‘tib ketgan Brunu Fernandesh o‘rnini to‘ldirish maqsadida xarid qilgandi. Avvaliga Gonsalvesh ma’lum muddat risoladagidek o‘yin ko‘rsata olmadi. Lekin 2022|23 yillar mavsumida Pedru jamoa-ning bosh ijodkori maqomini oldi, o‘tgan mavsumda esa klub mutasaddilari unga 8-raqamli futbolkani tuhfa etishdi. Ayni pallada Gonsalvesh asosiy tarkib o‘yinchisi va «Sporting» yetakchilaridan biri.
6. Maksi Arauxo (16 mln. yevro)
2024 yilning yozida «Sporting» Maksini «Toluka»dan xarid qilib, u bilan 5 yillik shartnomani rasmiylashtirdi. 24 yoshli chap qanot himoyachisi Urugvay terma jamoasi tarkibida 18 marta maydonga tushgan, yaqin kelajakda uning lissabonliklar g‘aznasiga katta daromad keltirish taxmin qilinmoqda.
5. Zeno Debas (16 mln. yevro)
Bu futbolchi ham Arauxo bilan bir vaqtda poytaxt klubi tarkibiga qo‘shildi. Navqiron markaziy himoyachi Belgiyaning «Anderlext» klubidan kelgan. Kelajagi porloq futbolchilardan biri bo‘lgan 21 yoshli Zeno Belgiya terma jamoasi tarkibida 14ta uchrashuv o‘tkazdi, «Portu»dagi debyut ortda qoldi va Zeno o‘zining «Sporting»dagi dastlabki golini YECHL doirasi «Lill» darvozasiga urdi.
4. Paulinyo (16 mln. yevro)
Bu hujumchi «Sporting» safidan 2020|21 yillar mavsumining o‘rtasida joy olib, «Braga»da unga saboq bergan Amorim bilan hamkorlikni boshladi. Paulinyoning «Boavishta» darvozasiga yo‘llagan aniq zarbasi tufayli «Sporting» 19 yillik tanaffusdan keyin shohsupadan joy olgandi. Biroq hujumchi yaqinda klubni tark etib, «Toluka»ga o‘tib ketdi.
3. Konrad Xarder (19 mln. yevro)
O‘tgan yil yozida «Norshelland» «Brayton»ning Xarderga oid taklifini qabul qilgandi. Biroq futbolchi «Sporting» bilan shartnoma imzolashni afzal ko‘rdi. 19 yoshli Konrad yangi jamoasi uchun 3ta gol urishga ham ulgurdi. Aftidan, Dyokereshni sotib yuborishga qaror qilgan lissabonliklar uning o‘rnini Xarder bilan to‘ldirishga qaror qilishgan.
2. Morten Yulmann (21 mln. yevro)
2023 yilning yozida «Sporting» «PSJ»ga o‘tib ketgan Ugarte o‘rnini Yulmann bilan to‘ldirdi. 25 yoshli futbolchi Portugaliyadagi debyut mavsumida 49 marta maydonga tushib, chempionlikka erishdi va APL klublari e’tiborini o‘ziga tortdi. Shuningdek, Morten Yevro-2024 turnirida Daniya terma jamoa-si sharafini munosib himoya qildi.
1. Viktor Dyokeresh (24 mln. yevro)
Daniyalik hujumchi haqida alohida maqola chop etilgan. Ayni pallada faqat bir jihatni ro‘y-rost aytish mumkin - Viktorni qishki darchada xarid qilishadi. Muammo faqat bu ishni «MYU» uddalay olishi yoki olmasligida.
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
