«Sevilya» klubi prezidenti Xose Mariya del Nido «Real»ning Korollik Ispaniya futbol federasiyasi (RFEF) va Oliy sport kengashi (CSD)ga «Espanyol»ga qarshi o‘yindagi (0:1) hakamlik sifati yomon bo‘lgani haqida rasmiy shikoyat qilganiga munosabat bildirdi.
«Biz ikki narsani ajratishimiz kerak: hakamlik tizimini va uning ba’zi jihatlarini o‘zgartirish imkoniyati va "Real"ning bayonoti.
Bu qabul qilib bo‘lmaydigan va dushmanona harakat. Bu hakamlar sharafi va musobaqaning pokligiga shubha uyg‘otadi. Futbol olami bunday bayonotni jamoatchilik oldida ham, sudda ham qoralanishi kerak, chunki bu futbolning xolisligiga zid. Eng yomoni, «Real» o‘zining «Real TV» va boshqa turli usullar orqali ispan futboliga zarar yetkazishga harakat qilmoqda. Biz «Real» kabi klubning bizga bosim o‘tkazishiga yo‘l qo‘ya olmaymiz...
Biz, avvalo, hakamlarga o‘z mutlaq qo‘llab-quvvatlashimizni bildirishimiz kerak. Ularning sharafiga shubha tushirilishiga yo‘l qo‘ya olmaymiz. «Real» ularga bosim o‘tkazib, erkin qaror qabul qilishlariga to‘sqinlik qilmoqchi», – deydi prezident ESPNga bergan intervyusida.
Eslatib o‘tamiz, «Real» La Liga jadvalida birinchi o‘rinda bormoqda. Ularning eng yaqin ta’qibchisi «Atletiko»dan bir ochko, uchinchi o‘rindagi «Barselona»dan esa ikki ochko ustunligi bor.