O‘zbekistonning o‘smirlar terma jamoasi o‘zining ilk U18 Jahon Chempionati (III B divizioni)da g‘alaba qozondi! Tailandda bo‘lib o‘tgan turnirda yigitlarimiz ilk urinishdayoq yuqoriroq divizionga ko‘tarilishdi – kelasi mavsumda U18 Jahon Chempionatida III A divizionida ishtirok etishadi.
O‘zbekiston terma jamoasi raqiblarini ketma-ket mag‘lubiyatga uchratdi: Janubiy Afrika Respublikasi (12:0), Lyuksemburg (12:1), Turkmaniston (8:2) va Bosniya va Gertsegovina (11:3). Nihoyat, 6 mart kuni hal qiluvchi bahsda Tailand jamoasi ustidan 3:2 hisobida qiyin g‘alaba qozonildi.
O‘tgan yili bizning yigitlar Tailand terma jamoasi bilan Osiyo va Okeaniya Kubogida (Toshkent va Samarqand, aprel-2024) ikki bor to‘qnash kelishgan edi. O‘shanda O‘zbekiston chempion bo‘lib, guruh bosqichida tailandliklarni 7:5 hisobida, finalda esa 2:1 hisobida yenggan edi. Bu safar jahon chempionatida kurash yana ham keskin kechdi. G‘alaba keltirgan shaybani uchrashuv tugashiga 5 daqiqa qolganida Jamoamizning eng yaxshi bombardirlaridan biri – Jasurbek Rustamxonov kiritdi.
Jamoa sardori Rustamxonov 5 o‘yinda 22 ochko (14 gol + 8 assist) jamg‘arib, turnirning eng yaxshi o‘yinchisi deb topildi! Jasur, shuningdek, yosh yulduz Salohiddin Azimov o‘tgan mavsumni Chexiyada o‘tkazdi. Qolgan yigitlar esa Qozog‘iston yoshlar ligasida "Toshkent Selekt" jamoasi safida o‘ynashdi.
O‘zbekistonning o‘smirlar terma jamoasi Toshkentning ikkita klubi – «Humo» va «Binokor» tarbiyalanuvchilaridan iborat. Ular 2018 yilda tashkil etilgan O‘zbekiston Xokkey Federasiyasining muvaffaqiyatli faoliyatining natijasidir. Bugun ular O‘XFning faxri!
Bizning chempionlarimizni tayyorlagan murabbiylar shtabini alohida tilga olish lozim – Normunds Seeys, Abdumajid Nosirov va Roman Krivomazovga tashakkur!
Juda tez orada, 2025 yil aprelda O‘zbekiston milliy terma jamoasi ham jahon chempionatida o‘z debyutini o‘tkazadi! Ular IV divizionda Armanistonda o‘tadigan musobaqada qatnashishadi. Tarkib tajribali o‘yinchilardan iborat bo‘lsada, asosiy kuch bugun Bangkokda Jahon Kubogini ko‘tarib turgan yigitlar bo‘ladi!
Biz chempionmiz!!!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
