Xabaringiz bor, yaqinda hamyurtlarimiz boks bo‘yicha o‘tkazilgan jahon kubogi bellashuvlarida muvaffaqiyatli ishtirok etib, 5 ta oltin, 2 ta kumush va bitta bronza medallarini qo‘lga kiritishdi.
Bu bilan delegasiyamiz vakillari umumjamoa hisobida birinchi o‘rinni egalladi. World Boxing havaskor boksning yangi tashkiloti bo‘lib, bu yil turnirlar hajmini kengaytiradi.
Mart oyida Xalqaro olimpiya qo‘mitasi boksni 2028 yilgi Olimpiya o‘yinlariga rasman kiritdi. Dastlab, boks 2028 yilgi o‘yinlar ro‘yxatiga qo‘shilmagandi. Bunga havaskor boksni qariyb 100 yil boshqargan Xalqaro boks assosiasiyasi (IBA) atrofida yuzaga kelgan muammolar sabab bo‘lgan. Biroq 2019 yilda ketma-ket korrupsiya va moliyaviy mojarolardan so‘ng XOQ IBA`ni tashkilotchilikdan chetlatdi.
Bunga 2012 yilda London va 2016 yilda Rio-de-Janeyroda bo‘lib o‘tgan o‘yinlardagi pora va kelishilgan o‘yinlar bilan bog‘liq mojarolar sabab bo‘lgan. 2018−2019 yillarda tashkilotga AQSH sanksiyalari ro‘yxatiga kiritilgan o‘zbekistonlik tadbirkor G‘ofur Rahimov rahbarlik qilgan.
Bugungi kunda IBA`ni rossiyalik tadbirkor Umar Kremlyov boshqarmoqda, uning yagona homiysi esa Rossiyaning «Gazprom» davlat konserni hisoblanadi.
Biroq 2024 yilda Parijda bo‘lib o‘tgan Olimpiya o‘yinlarida boks bo‘yicha musobaqalar XOQning maxsus ishchi guruhi rahbarligida o‘tkazilishi «bu sport turining Olimpiya harakati uchun ahamiyatini namoyish etgan».
Bundan buyon Olimpiya boksini rivojlantirish 2023 yilda tashkil etilgan World Boxing xalqaro boks federasiyasi tomonidan nazorat qilinadi. Hozirgi vaqtda uning tarkibiga 84 ta milliy federasiya, shu jumladan, O‘zbekiston ham kiradi.
World Boxing avvalroq 2025 yil uchun musobaqalar taqvimini e’lon qilgandi. Ushbu ro‘yxatga Jahon chempionatining 4 bosqichi, World Challenge turniri va Jahon chempionati kiradi:
30 mart — 7 aprel: Jahon kubogi (Braziliya)
3−7 iyun: World Challenge turniri (Chexiya);
30 iyun — 7 iyul: Jahon kubogi (Qozog‘iston);
21−27 iyul: Jahon kubogi (Mezbon davlat keyinroq e’lon qilinadi);
4−14 sentyabr: Jahon chempionati (Angliya);
15−22 sentyabr: Jahon kubogi (Hindiston).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
