Saudiya Arabistoni o‘smirlar terma jamoasi (U17) dramatik tarzda g‘alabaga erishib, Janubiy Koreyani penaltilar seriyasida 3:1 hisobida mag‘lub etdi va AFC U17 Osiyo Kubogi–2025 finaliga yo‘l oldi.
O‘yinning asosiy vaqtida mag‘lubiyat ostonasida turgan saudiyaliklar uchun hal qiluvchi daqiqalarda Abu Bakr Said 90+12-daqiqada penaltidan hisobni tenglashtirib, jamoani penaltilar seriyasiga olib chiqdi. Mezbonlar darvozabon Abdulrahmon Al-Utaybiy seriyada qahramonlik namoyish etdi — u Jong Xyon Un va Kim Do Yonning zarbalarini qaytarib, jamoasiga final yo‘llanmasini ta’minladi.
Saudiya termasi bosh murabbiyi Mario da Silva chorak finalda Yaponiyaga qarshi g‘alaba qozongan tarkibni o‘zgartirmagan bo‘lsa, Janubiy Koreya murabbiyi Bek Ki Taye Tojikistonga qarshi o‘yindan ikki futbolchi — Kim Min Chan va O Xa Ramni asosiy tarkibga kiritdi.
O‘yinda ilk xavfli vaziyat 22-daqiqada yuzaga keldi: Kim Yon Songning chiroyli zarbasini Al-Utaybiy qaytardi. Bundan so‘ng koreyaliklar darvozaboni Pak Do Xun ham Saudiya hujumchisi Abdulrahmon Sufyoniyning zarbasini qaytarishga majbur bo‘ldi.
Janubiy Koreya birinchi bo‘lib hisobni ochishga yaqin turdi. 31-daqiqada Pak Seo Junning zarbasini Al-Utaybiy mo‘’jizaviy ravishda qaytardi, keyin esa Nasser Al-Fihaniy Ku Xyon Binning harakatini bartaraf etdi.
Sufyoniy Saudiyaning asosiy hujumchisi sifatida bir necha bor gol urishga urinib ko‘rdi, biroq unga ham omad kulmadi. Birinchi bo‘lim yakuniga yetish arafasida, Janubiy Koreya hisobni ochdi: Xa Ram uzoqdan oshirilgan to‘pni qabul qilib, birinchi zarbasi qaytarilgan bo‘lsa-da, qaytgan to‘pni darvozaga joyladi — 0:1.
Ikkinchi bo‘limda Saudiya Arabistoni zaxiradan Matariy va Al Damaxni maydonga tushirdi, biroq kutilgan samara ko‘rinmadi. 74-daqiqadagina haqiqiy imkoniyat paydo bo‘ldi: Tahariy Said chap qanotdan hujum uyushtirib, to‘pni Sufyoniyga uzatdi, ammo uning zarbasi himoyachi tomonidan to‘sib qolindi.
O‘yin so‘ngida esa voqealar dramatik tus oldi: hakam 12 daqiqa qo‘shimcha vaqt bergan bo‘lib, aynan 12-daqiqada Do Xunning Al-Favazga nisbatan qilgan qoida buzilishi penaltiga olib keldi. Abubakir Said penaltini aniq amalga oshirdi — 1:1.
Penaltilar seriyasida Al Utaybiyning ajoyib o‘yini hal qiluvchi bo‘ldi. U Jong va Kimning zarbalarini qaytardi, Saudiya esa final yo‘llanmasini qo‘lga kiritdi.
U17 Osiyo kubogi, yarim final SAUDIYA ARABISTONI - JANUBIY KOREYA - 1:1. Penaltilar seriyasi - 3:1 Gollar: Abubakir Sayid (90+12-penalti) — Oh Ha-Ram (45)
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
