«Andijon» – «Neftchi» (0:2) o‘rtasidagi uchrashuvdan keyingi matbuot anjumanida mezbon jamoaning vaqtincha bosh murabbiyi Artyom Petrosyan jurnalistlarning savollariga javob berdi.
— O‘yin haqida nima deyish mumkin? Albatta, muxlislar g‘alaba kutishgandi. Afsuski, ularni g‘alaba bilan quvontira olmadik. Biz bugun o‘ta jiddiy, tashkiliy tomondan puxta jamoa bilan bellashdik. Bahs chog‘ida 1-va 2-zonalardan o‘tgan bo‘lsak ham 3-va 4-zonalarda muammolarga duch keldik. Baxtga qarshi golga tortadigan xavfli vaziyatlarni yuzaga keltirishimizga raqib imkon bermadi. Boz ustiga raqiblarga o‘tish fazalarida qarshilik qila olmadik. Shuning evaziga ular gollar urib ketishdi. Raqibni g‘alaba bilan tabriklayman.
— Bosh murabbiysiz jamoaga qiyin bo‘lyaptimi?
— Albatta, ruhiy tomondan qiyin bo‘lyapti. Ayniqsa, ketma-ket besh mag‘lubiyatdan so‘ng ahvol yanada yomonlashdi. Ketma-ket mag‘lubiyatlar va bosh murabbiyning yo‘qligi bizga qiyinchilik tug‘dirdi. Yigitlarni tetiklashtirish, ularni ruhiy o‘radan olib chiqib ketish o‘ta qiyin masalaga aylangan. To‘g‘ri, o‘yindan oldin tetiklashtirishga harakat qildik. Aftidan, bu yetarli bo‘lmagan ko‘rinadi. Nazarimda, buning uchun bizga vaqt yetarli bo‘lmadi. Nega deganda, har 3-4 kunda o‘yin o‘tkazishimizga to‘g‘ri kelyapti. Bunday rejimda yetarli vaqt bo‘lmaydi. Mag‘lubiyat ketidan mag‘lubiyatlar sabab jamoa ruhiytiga ta’sir ko‘rsatyapti.
— Bugungi uchrashuvda maydon markazi boy berildi. Shunga munosabatingiz?
— Ehtimol, «Neftchi»ning o‘yinchilari ayni damda biznikilardan kuchli bo‘lgani uchun ham boy bergan bo‘lishimiz mumkin. To‘p yo‘qotilgandan keyin o‘yinga ulanish degan narsa bor. Bugungi bahsda bizga aynan shu narsa yetishmadi. «Neftchi»ning maydon markazidagi o‘yinchilari esa bu borada biznikilardan yaxshi harakat qilishdi. Aynan shu vaziyatlarda yutqazib qo‘ydik. Biz xavfli vaziyatlarni yuzaga keltirishda ham oqsadik. «Neftchi» esa uchta urinishidan ikkitasini golga aylantira oldi. Farq mana shunda.
— Oleg Zoteevning o‘yiniga qanday baho berasiz?
— Birinchi gol Oleg Zoteevning chizig‘idan emasdi. U boshi bilan to‘pga o‘ynadi. Biz ikkinchi qatorda yutqazdik. Keyin o‘ng tarafimizdagi himoyachimiz diqqatini yo‘qotib qo‘ydi va Sayfiyev gol urib ketdi. Ikkinchi golda esa biznikilar birga-bir vaziyatda yutqazishdi. Qanday baho berish mumkin? Xatolarga yo‘l qo‘ymaydigan futbolchining o‘zi yo‘q. Zoteev o‘z ishiga professional tarzda yondashyapti. Jamoadagi hamma juda mamnun. Mashg‘ulotlarda faol qatnashib, asosiy tarkib o‘yinchisi ekanligini isbotlayapti.
— Yaqqol hujumchi Rustam Turdimurodov o‘rniga yarim himoyachi Usmonali Ismonaliyev maydonga tushdi. Keyinchalik esa hujumchi Islam Mashukov o‘yinga qo‘shildi. Bu sizning taktik qarashingizmidi?
— Bu vabank. Usmonali uchun hujumda o‘ynashi yangilik emas. Oldin ham to‘p surgan. «Bunyodkor»da ham hujumda o‘ynagan paytlari bo‘lgan. Oldida chaqqonroq futbolchi kerak edi. Shuning uchun uni maydonga tushirdik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
