Jurnalist Qahramon Aslanov o‘zining telegram-kanalida Kilian Mbappening "Real"dagi dastlabki mavsumi haqida fikrlarini bildirdi.
"O‘tgan mavsumda “Real” Ispaniya chempionati va Chempionlar Ligasini yutgach, biroz o‘tib Kilian Mbappe bilan kelishuvga erishgan. Tabiiyki, “Real” muxlislari yangi mavsumda jamoa yana kuchayishini kutgani shubhasiz, o‘shanda hazilomuz qilib tvitterda “2002 yilda Ronaldoni sotib olishganda ham shunaqa o‘ylashgandir” deb yozgandim. 2002 yilda “Real” YECHL sohibi bo‘lgan, ammo Ronaldoning kelishi keyingi mavsumda yordam bera olmagan – jamoa yarimfinalda “Yuventus”ga yutqazib qo‘ygandi.
Qizig‘i, o‘sha Ronaldo ham, hozirgi Mbappe ham “Real”da ishonchni oqlamagan, deya olmaymiz, axir Kilian La Liganing o‘zida 31 gol urdi, “Oltin butsa” oldi, bundan ortig‘ini tasavvur qilish qiyin. Boshqa tarafdan “Real” bu yil avvalgi mavsumdan 11 ochko kam to‘pladi, 9 gol kam urdi. Mbappening 31 goli qayerga qo‘shildi unda, mashhur latifadagidek - “bu mushuk bo‘lsa go‘sht qani”?
Hamma gap shundaki, futbolda matematika bu tarzda ishlamaydi. Kuchli transfer biror kemtik jamoani to‘ldirib, yanada kuchaytirib yuborishi mumkin, ammo shundoq ham kuchli jamoada nimadir kamayishi shart. Mbappe keltirgan foyda biroz Bellinhemdan, biroz Vinisiusdan, biroz Valverdening foydasidan kamayib, balans bo‘laveradi. Bir paytlar “MYU”da har mavsumda 30 gol urib turgan Ruud van Nistelroy ketgach, aksincha, raqamlar oshib ketgan – Ruud o‘zi gollar urgani bilan biroz Runi, biroz Krishtianuning “haqqini yeyayotgandi”. Ko‘pincha bu shunaqa ishlaydi.
U holda Mbappening transferi xato edimi? Albatta yo‘q. Xato emas. Har qanday jamoa yangilanishga muxtoj, bir yerda to‘xtab turmasligi kerak. Mbappe kelmaganida ham kichik inqiroz baribir ro‘y berardi, natijalar pasayishidan qochib qutulish qiyin edi. Mbappe mana shu inqirozdan qaysidir ma’noda qutqarib qoldi ham, usiz “Real” ikkinchi o‘rin va chorak final emas, yanada yomonroq natija ko‘rsatishi ham mumkin edi, menimcha.
Aynan Mbappe tufayli “Real” tasavvurda bo‘lsa ham darajani ushlab qola oldi. Shunchaki, “Barselona” bu safar o‘ta kuchli edi, tan olish kerak", - deb yozdi Aslanov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
