O‘zbekiston JCH-2026 yo‘llanmasini qo‘lga kiritishida kim ko‘proq hissa qo‘shdi: Yusupov, Shomurodov, Fayzullayev yoki Husanov. Alisher Nikimbayev javob berdi (2-qism)
O‘zbekistonlik futbol mutaxassisi Alisher Nikimbayev “Dynamomania” bosh muharririga intervyu berib, bir qator mavzularda o‘z fikrini bildirib o‘tdi. Intervyuni bir necha qismga bo‘lgan holda e’tiboringizga havola etamiz (2-qism).
— Biz asosan Husanov, Shomurodov haqida gapiramiz. Yana kimlar O‘zbekistonni bu g‘alabaga yetakladi?
— G‘alabaning asosiy qahramonlaridan biri sifatida, avvalambor, darvozabon O‘tkir Yusupovni ta’kidlagan bo‘lardim. U Shimoliy Koreyaga qarshi uyda ham, safarda ham penaltini qaytardi — bu hal qiluvchi pallalar edi. Ayniqsa safarda. Qatardagi mag‘lubiyatdan keyin jamoa Laosda KXDRga qarshi o‘ynadi. Ikkinchi mag‘lubiyat jamoani butunlay sindirishi mumkin edi. Yusupov BAAga qarshi o‘yinda ham o‘zini ko‘rsata oldi.
Abduqodir Husanovning rolini esa balki undan ham kichik deb aytardim — garchi u elit chempionatda o‘ynashi tufayli «yulduz» sifatida tanilgan bo‘lsa ham. Lekin aniq maqsadga erishish nuqtai nazaridan qaralsa, men uni hatto birinchi uchlikka ham kiritmagan bo‘lardim. Jamoaning o‘zini ta’kidlardim — u muvozanatli edi. Yusupov — asosiy qahramonlardan biri. Shomurodov — birinchi bosqichda katta rol o‘ynadi.
Ikkinchi bosqichda esa asosiy yetakchi — Abbosbek Fayzullayev bo‘ldi. Bu raqamlardan ham ko‘rinib turibdi — Fayzullayev to‘rtta gol urgan. Asosiy bosqichda jamoa kamroq gol urdi — 10 o‘yinda bor-yo‘g‘i 14 ta, ammo faqat 7 ta gol o‘tkazdi. Asosiy e’tibor himoyaga qaratildi — bu esa oldin kuzatilmagan holat. Shunday qahramonlarni aytardim. Lekin yana qaytaman: alohida kimnidir ustun qo‘ymas edim — eng avvalo, bu jamoa yutug‘i. Lekin ayrim shaxslar haqida gap ketsa, shularni ta’kidlardim.
— Husanov haqida ham ikki og‘iz. «Manchester Siti» har kuni har kimni taklif qilmaydi.
— Husanov — hozircha bir avans. Ha, u iste’dodli yigit, mehnatkash. Ya’ni faqat iste’dod emas, balki ko‘plab iste’dodli futbolchilarga yetishmayotgan jihatlar — mehnatsevarlik, sabr-toqat va kamtarlik bor unda. U yaxshi futbolchiga aylanish imkoniyatiga ega. Lekin hozircha uni tayyor futbolchi deb aytishga erta. Terma jamoa uchun albatta topilma. Chunki u hali ham yosh, keyinchalik u o‘sishi kerak, hammamiz shunga ishonamiz. Va umid qilamizki, u himoya markazidagi muammoni kamida 10 yilga yopib turadi. Chunki Andrey Fyodorovdan keyin, desam, markaziy himoyada katta bo‘shliq bo‘lgan. Hatto shu siklda ham bo‘lgan — Qirg‘iziston masalan, aynan markazdan gol urdi. Bir tomondan, kam gol o‘tkazdik, lekin agar raqiblar himoyani yechib yuborishsa, bu juda tahlikali bo‘lgan.
Katanes esa muvozanatni topa oldi, himoyaga alohida e’tibor qaratib, bu muammoli nuqtani yopdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
