Kecha Farg‘onaning Qirguli mavzesidagi «Neftchi» futbol klubining yangilangan, butunlay maftunkor maskanga aylantirilgan qarorgohi tantanali ravishda foydalanishga topshirildi. Bu tantanada nafaqat viloyat rahbarlari, balki mehnat va sport faxriylari, Farg‘ona futbolining mamlakatda ko‘zga ko‘ringan vakillari, sport va futbol maktablarining tarbiyalanuvchilari hamda ko‘plab futbol muxlislari ishtirok etdilar. Mehmonlar dastlab futbolchilar yotoqxonasi, dam olish xonalari, oshxona va sport zallari bilan yaqindan tanishdilar. So‘ngra yangitdan qurib bitkazilgan zaxira maydonlari, yosh futbolchilar uchun yaratilgan alohida xonalar va boshqa qulayliklar bilan tanishdirilar. Shundan so‘ng tantana qatnashchilari oldida bu yerda amalga oshirilgan ulug‘vor ishlar tashabbuskori va boshlovchisi, viloyat hokimi, viloyat futbol assosiasiyasi prezidenti Hayrullo Hayitbayevich Bozorov nutq so‘zladi:
— Barchangizni «Neftchi» futbol klubining tubdan qayta ta’mirlangan qarorgohining foydalanishga topshirilishi munosabati bilan chin dildan tabriklayman.
1970 yilda bunyod etilgan mazkur sport majmuasi zamonaviy talablarga mos ravishda yangilanib, samarali mashg‘ulotlar o‘tkazish uchun barcha zarur sharoitlar yaratildi.
Shu tariqa, qarorgoh hududida joylashgan yotoqxonalar, zaxira maydonlari, suv inshootlari, oshxona, gulzor va bog‘lar to‘la yangilanib, zamonaviy kshrinishga keltirildi.
Quvonarlisi, endi bu yerda asosiy jamoa bilan birga ayollar, yoshlar – (U-19) va (U-21) jamoalari ham faoliyat olib boradi. Bu «Neftchi» jamoasining yanada kengayishi, yosh avlod orasida futbolga qiziqish ortganini ko‘rsatadi.
«Neftchi» nafaqat viloyatimiz, balki butun yurtimiz futbolining faxri hisoblanadi. Klub o‘z tarixi davomida bir necha bor milliy chempionat va kuboklarda munosib ishtirok etgan, yuksak yutuqlarga erishgan, ko‘plab mashhur futbolchilarni yetishtirgan. Muxlislar muhabbati esa «Neftchi»ni haqiqiy kuchga aylantirdi.
Bugun «Neftchi» jamoasi nafaqat maydonda, balki tashkiliy, infratuzilmaviy va ijtimoiy jihatdan ham kuchli va jips jamoa sifatida faoliyat olib bormoqda. Jamoaning so‘nggi yillardagi muvaffaqiyatli o‘yinlari, tarkibga jalb qilingan iqtidorli yoshlar, professional murabbiylar, shuningdek, muxlislar qo‘llab-quvvati uni haqiqiy kuch bo‘lib harakat qilayotganini yaqqol ko‘rsatmoqda.
Shu bois, bugun foydalanishga topshirilayotgan zamonaviy mashg‘ulot majmuasi «Neftchi» jamoasining katta maqsad va yuksak marralarga intilishida muhim omil bo‘ladi.
«Neftchi» jamoasiga yangi muvaffaqiyatlar, yorqin g‘alabalar va xalqaro maydonda munosib ishtirok tilayman, — deya o‘z nutqini yakunladi viloyat hokimi. So‘ngra O‘zbekiston futbol assosiasiyasi vise prezidenti Odil Ahmedov, Farg‘ona futbolining taniqli va mashhur faxriysi Tohir Kapadzelar so‘zga chiqib, O‘zbekiston futbolini jahonga mashhur qilish va rivojlantirishda Farg‘ona viloyati barakali hissa qo‘shayotganligi va boshqalarga ibrat ko‘rsatayotganligini ta’kidladilar. Katta tantanaga yosh sportchilarning quvonch va mehr muhabbatlari qo‘shilib ketdi. Viloyat hokimi futbol maktablarining tarbiyalanuvchilariga qimmatbaho sovg‘alarni tantanali ravishda topshirib, ularning quvonchi va sportga bo‘lgan ishtiyoqini baland ko‘tardi. Tantanani viloyatimizning taniqli san’atkorlari tomonidan ijro etilgan kuy qo‘shiqlar yakunladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
