O‘zbekiston Superligasi o‘zining eng qizg‘in pallasiga kirib bormoqda. O‘zbekiston kubogi musobaqasida esa finalchilar aniqlanish arafasida.
"Paxtakor" - "Neftchi"
13 sentyabr kuni O‘zbekiston Superligasining 21-turi doirasida "o‘zbek klasiko"siga guvoh bo‘lamiz. Ya’ni, "Paxtakor" klubi o‘z maydonida "Neftchi" jamoasini qabul qiladi.
Bu o‘yinning tarixi bir mavzu bo‘lsa, ayni vaqtda turnir jadvalidagi ahamiyat alohida mavzu. 20-turdan keyin chempionlik uchun kurashayotgan "Neftchi" jamoasi ayni vaqtda musobaqa jadvalida birinchi o‘rinni egallab turgan "Nasaf" klubi bilan ochkolar farqini bittagacha qisqartirib oldi. Jamoa chempionlik poygasida buyog‘iga ochko yo‘qotishga haqqi yo‘q.
O‘z navbatida, "Paxtakor" klubi ham chempionlik uchun kurashdan chiqqani yo‘q. 21-turda qo‘lga kiritiladigan g‘alaba "sherlar"ni kuchli uchlikka qaytarishi mumkin. Demak, bizni jiddiy o‘yin kutib turganini taxmin qilish qiyin emas.
OKMK - "Bunyodkor"
19 sentyabr kuni Superligamizning 22-turi doirasida OKMK klubi o‘z maydonida "Bunyodkor" jamoasi bilan bellashadi. Ushbu jamoalarni hozirda turnir jadvalida 2 ochko ajratib turibdi. Ayni vaqtda har ikki jamoa juda yaxshi sport formada.
Mavsum boshida OKMK klubining Superligadagi mag‘lubiyasiz seriyasiga aynan "Bunyodkor" jamoasi yakun yasagan edi. Demak, bu gal Qosimov jamoasi ham revansh uchun bor imkoniyatini ishga solishi aniq.
Bu bellashuv shubhasiz Superliga muxlislari uchun qiziqarli va dramatik voqealarga boy bo‘lishi kutilmoqda.
"Neftchi" - "Dinamo"
20 sentyabr kuni Superliganing 22-turi doirasida, Farg‘onada "Neftchi" jamoasi Samarqandning "Dinamo" klubini qabul qiladi. Ayni vaqtda har ikki jamoa chempionlik uchun asosiy da’vogarlar qatorida turishibdi.
"Neftchi" jamoasi "Dinamo"ni 4 ta o‘yindan beri mag‘lub etib kelmoqda. Jumladan, 2 iyul kuni bo‘lib o‘tgan so‘nggi bahsda ham farg‘onaliklar Samarqanddan g‘alaba bilan qaytdi.
Demak, bizni qiziq o‘yin kutayotgani aniq. "Neftchi" jamoasining g‘alabali seriyasi davom etadimi yoki Vadim Abramov murabbiy sifatida birinchi marta Levchenkoni mag‘lub etadimi? Buni 20 sentyabr sanasida "Istiqlol" stadionida o‘tadigan o‘yin orqali bilib olamiz.
"Paxtakor" - "Dinamo"
25 sentyabr kuni O‘zbekiston kubogi musobaqasining yarim final o‘yinlari bo‘lib o‘tadi. Dastlabki bahsda Toshkentning "Paxtakor" klubi mavsumni bir maromda o‘tkazayotgan Samarqandning "Dinamo" jamoasi bilan kuch sinashadi.
"Paxtakor" klubi 3 yildan beri O‘zbekiston kubogi musobaqasining finaliga yo‘l ola bilgani yo‘q. Samarqandning "Dinamo" jamoasi esa O‘zbekiston kubogidagi yagona finalini 25 yil oldin o‘tkazgan.
Ushbu turnir xalqaro musobaqaga yo‘llanma berishi bilan ham ahamiyatli. Shundan kelib chiqqan holda, ushbu o‘yinning darajasi ancha yuqori ekanligini tushunish mumkin.
"Buxoro" - "So‘g‘diyona"
25 sentyabr kuni O‘zbekiston kubogi musobaqasining ikkinchi yarim final o‘yini ham bo‘lib o‘tadi. Mazkur bahsda Viktor Karpenko boshchiligidagi "Buxoro" klubi o‘z maydonida Ivan Boshkovich qo‘l ostidagi "So‘g‘diyona" klubini qabul qiladi. Har ikki klub hozirgacha O‘zbekiston kubogi musobaqasining finalida o‘ynamagan.
Ushbu o‘yinidagi g‘alaba jamoalarga kerakligi e’tibori bilan dastlabki yarim final o‘yinidan ham ahamiyatliroq. Sababi, "Buxoro" va "So‘g‘diyona" jamoalari ayni paytda O‘zbekiston Superligasida chempionlik uchun kurashda qatnashayotganlari yo‘q. Ushbu jamoalar yilni sovrin bilan yakunlash niyatida bo‘lsalar, eng yaxshi yo‘l O‘zbekiston kubogi bo‘lib turibdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
