«PSJ» himoyachisi Ashraf Hakimiy uchun bu mavsum hech qachon tamom bo‘lmaydi. Marokashlik futbolchi Olimpiada-2024 turnirida startga chiqib, to‘ppa-to‘g‘ri «PSJ»ga yo‘l oldi, odatiy ta’tildan voz kechdi. Shundan beri Ashraf dam olish nima ekanligini bilmaydi, shu paytgacha klub va terma jamoa libosida 67 marta maydonga tushdi. Qisqasi, shunchaki monstr!
Shunday tig‘iz sharoitda ham Hakimiy kuch-quvvatga to‘la - «Bavariya»ga qarshi bellashuvning so‘nggi daqiqalarida Usmon Dembelega yo‘llagan samarali uzatmasi yodingizdami? Keling, yaxshisi Ashrafning so‘nggi yillardagi faoliyati bilan tanishib chiqaylik.
— Olimpiada-2024 turnirida Hakimiy 6ta uchrashuvda maydonga tushib, to‘liq to‘p surdi. Yakunda Marokash terma jamoasi 3-o‘rinni egalladi. Ashraf bir haftani futbolsiz o‘tkazdi. Keyin 1-turda «PSJ» tarkibida sardorlik bog‘ichi bilan «Gavr»ga qarshi maydonga tushdi. Shundan beri Hakimiy to‘xtovsiz tarzda o‘ynab-o‘ynab, charchoq nima ekanligini bilmaydi.
— Marokashlik himoyachi bayramlarda dam oladi: sentyabr oyida Luis Enrike «Reyms»ga qarshi o‘yinda ilk marta imkoniyat berdi. Bundan 3 kun avval Ashraf himoya chizig‘ining o‘ng qanotida «Jirona»ga qarshi 90 daqiqa to‘p surgandi. Shuningdek, 2 marta 2tadan uchrashuvni o‘tkazib yubordi. O‘shanda parijliklar chempionlik masalasini qishdayoq hal qilishgandi.
— YECHLda barcha 17ta uchrashuvda maydonga tushdi: faqat bir marta «Shtutgart»ga qarshi bahsning 70-daqiqasida zaxiraga olindi. O‘shanda jamoa safarda mezbonlar darvozasiga javobsiz 4ta gol urgandi. KJCHda voqea takrorlandi: faqat bir marta marokashlik himoyachiga «Inter Mayami»ga qarshi o‘yinni nihoyasiga yetkazish imkoniyatini berishmadi - hisob yana 4:0.
— Endi navbat Marokash terma jamoasi safidagi o‘yinlarga: kuzda Hakimiyni muntazam ravishda Afrika Kubogi turnirining saralash bosqichiga jalb etishdi. Jamoaning 7:0 hisobidagi yirik g‘alabasi bilan yakunlangan Lesoto terma jamoasiga qarshi bahsda Ashraf maydonga tushirilmadi. Mart oyida qahramonimiz JCH-2026 saralash bosqichining Nigerga qarshi bellashuvida to‘liq ishtirok etdi, Tanzaniyaga qarshi o‘yinni sariq kartochkalar ko‘payib ketgani sababli o‘tkazib yubordi.
— Hatto o‘rtoqlik uchrashuvlarida ham Hakimiyni unutishmayapti. Jumladan, iyun oyida u YECHLning finalidan keyin va KJCH starti arafasida Tunis va Benin terma jamoalariga qarshi maydonga tushdi.
— Qo‘shimchasiga, shu paytgacha Ashraf taqvimning tig‘izligidan shikoyat qilgan emas: «O‘zimni yaxshi his etyapman. Bu mavsumda o‘yinlarimiz, parvozlarimiz juda ko‘p. Biroq biz sport formasini tezda tiklab olyapmiz va tarixga kiryapmiz. Albatta, bundan juda mamnunmiz. Mavsum yakunida charchoqni his etamiz, lekin yangi sinovlarga doim tayyormiz».
Joriy mavsumdagi o‘yinlar soni bo‘yicha Hakimiy Pedridan keyin 2-o‘rinda edi: «Barselona» yarim himoyachisi barcha musobaqalarda 69ta uchrashuv o‘tkazgan. KJCHda finalga chiqqan Ashraf Pedriga yetib oldi. Daqiqalar bo‘yicha 3-o‘rinda bo‘lgan marokashlik lateral endi Nikolas Mendi va Brunu Fernandeshdan oldinga o‘zib, peshqadam bo‘lib oldi.
R.IBROHIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
