Superliga 23-turi doirasidagi «Dinamo» - «Sho‘rtan» (2:0) o‘yinidan keyin Samarqand jamoasi bosh murabbiyi Vadim Abramov matbuot anjumanida ishtirok etib, jurnalistlar savollariga javob qaytardi.
— Kutganimdek, kubok yarimfinalidagi omadsizlikdan keyin bugun emosional jihatdan og‘ir o‘yin bo‘ldi. Bugun jamoaga tetiklik yetishmagandek bo‘ldi. Shunga qaramay, yigitlarga g‘alaba uchun rahmat aytish kerak. Tezkor gol urdik, qator vaziyatlarni golga aylantira olmadik, faqat yakunda ikkinchi golni kiritdik. «Sho‘rtan»ni qanday o‘ynashini bilardik, uzoq paslar va qarshi hujumlarga intildi. Nima ro‘y berishi kerak bo‘lsa, ro‘y berdi.
— So‘nggi ikki o‘yindagi alamli mag‘lubiyatdan keyin «Dinamo»dan bugun jiddiy qasd olish kutishgandi, ammo jamoa bor e’tiborini o‘yinga qarata olmagandek ko‘rindi...
— Bu emosional holat bilan bog‘liq. Kubok yarimfinalidan keyin kayfiyat zo‘r emas. To‘rt kun avvalgi yarimfinaldagi 120 daqiqalik o‘yin, Toshkentdan qaytish, mashg‘ulotlar – tiklanish uchun ko‘p vaqt qolmagandi. Yana 4 kundan keyin Termizga uzoq safar kutib turibdi. Kuchimiz cheksiz emas, zaxiramiz ham uzun deb bo‘lmaydi. Ikkinchi bo‘limda zaxiradan o‘yinchilar tushgan bo‘lsa-da, vazifa osonlashib qolgani yo‘q. Bu borada muammolar bor, albatta.
— Birinchi bo‘limda gol urishni juda istagan Qodirqulovni tanaffusda almashtirdingiz, Hojimirzayevni ham qulay vaziyatdan foydalana olmagach, tarkibdan oldingiz...
— Aytganimdek, zaxira o‘rindig‘imiz tor. Hoshimov va yana aksariyat o‘yinchilarimiz jarohat olgan, diskvalifikasiya bo‘lganlar bor. Anvar gol urmagan vaziyatda ayrim muxlislar baqirgani meni hayron qoldirdi, har qalay u jamoamiz yetakchisi, gol urib kelmoqda. Hammada ham bunday vaziyatlar bo‘lib turadi, shu paytda muxlislarimiz qo‘llab-quvvatlashi kerak. O‘sha muxlislar esa noto‘g‘ri munosabatda bo‘lishdi deb o‘ylayman. Ularni tushunaman – barchani mag‘lub etishimizni istashadi, ammo biz «Man Siti» emasmiz, buni to‘g‘ri tushunib qabul qilishlari kerak. Shusiz ham borimizni berib harakat qilyapmiz.
Gap faqat uning avvalgi o‘z nuqtasida ham o‘ynamayotganida emas, u katta hajmdagi ishni bajarmoqda, unga «nagruzka» tushmoqda, 4 kun avval 120 daqiqa o‘ynadi, penaltidan gol ura olmaganidan juda xafa bo‘ldi. Mana shunday ruhiy qiyin pallada uni qo‘llab-quvvatlash o‘rniga unga bosim qilishmoqda, u jamoamiz yetakchisi, muhim gollarimizni urmoqda.
Qodirqulov? Sanjarning imkoniyatlarini yaxshi bilaman, u tez orada eng yaxshi sport formasiga kirib, yetakchilik qobiliyatini ko‘rsatishiga ishonaman.
— «Surxon» bilan o‘yingacha jarohatlanganlardan kimdir tarkibga qaytishiga umid qilsak bo‘ladimi?
— Yo‘q. Jarohatlangan futbolchilardan kimdir qayta olsa, kamida oktyabr oyidagi FIFA kunlaridan keyin qaytadi, ungacha tarkibda bo‘lmaydi, — deydi Vadim Karlenovich matbuot anjumanida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
