O‘zbekiston Superligasining 26-turidan o‘rin olgan «Qo‘qon-1912» – «Navbahor» (2:0) jamoalari o‘rtasidagi uchrashuvdan keyingi matbuot anjumanining ikkinchi qismida mezbonlar bosh murabbiyi Bahrom Haydarov ishtirok etib, jurnalistlarning savollariga javob berdi. Odatdagidek, qo‘qonliklar ustozi o‘z so‘zini bellashuv haqidagi fikrlari bilan boshladi.
— O‘yin haqida fikr bildirishdan oldin bugun o‘z kasb bayramlarini nishonlayotgan Respublikamizdagi barcha ichki ishlar xodimlarini jamoamiz nomidan tabriklayman. Futbol uchrashuvlari tinch o‘tayotgani uchun ularga alohida rahmat aytib qolamiz. Endi o‘yinga keladigan bo‘lsak, juda og‘ir uchrashuvni o‘tkazdik. Bahsni yaxshi boshladik, hammasi nazoratimiz ostiga o‘tdi. Raqib ko‘proq qarshi hujumlarga tayanib o‘ynadi. Darvozabonimizga ham rahmat, ikki-uch marta muqarrar goldan qutqardi. Raqib bir kishi kam bo‘lib qolgach, bizning futbolchilar ham bexavotir o‘ynay boshlashdi. Xotirjamlikka berildik. Tabloga qaramasdan, o‘z o‘yinimizni ko‘rsatishga harakat qildik. Ko‘p vaziyatlarga ega bo‘ldik. Agar ertaroq gol urganimizda, balki oson bo‘larmidi? Shunga qaramay g‘alaba qozonganimizdan xursandman va barcha ishqibozlarimizni tabriklayman.
— «Navbahor»ning bitta kam qolishi jamoangiz g‘alabasiga turtki bo‘ldimi?
— Albatta, bu ham ustunlik berdi. Lekin vaziyat har doim har xil bo‘ladi. Bitta kam qolib yutib ketganlarni ham ko‘rganmiz. Shu bois o‘zimizni erkin qo‘yib yuborishimiz kerak emasdi. «Navbahor»da individual kuchli futbolchilar bor, ularning borligi jamoa bir kishi kam o‘ynayotganini umuman bildirmadi.
— Ishqibozlarda Bahrom Haydarov yaxshi o‘ynab turgan futbolchilarni almashtiryapti, degan tasavvur paydo bo‘lgan. Masalan, Asliddin Toshtemirov, Shohruh Gadoyev kabi futbolchilar yaxshi harakat qilishayotgandi...
— Futbolchilar yaxshi o‘ynab turgan bo‘lishi mumkin, chunki muxlis asosan futbolchi to‘pga egalik qilganida uni ko‘rishni boshlaydi. Futbolchi to‘psiz holatda nima qilyapti, bunga ko‘pchilik qaramaydi. Biz murabbiylar esa hammasini nazorat qilib borishga harakat qilamiz. O‘rta chiziqni kuchaytirishni maqsad qildik, shu bois futbolchilarni almashtirdik. Meni xursand qilayotgan tomoni jamoamizda raqobat borligi va hamma futbolchilar birdek o‘ynashga harakat qilmoqda.
— Bugun «Neftchi» yutdi, ertaga «Nasaf» o‘ynaydi. Sizningcha, kim chempion bo‘ladi?
— Har o‘yindan keyin shu savol berilyapti. Ko‘ppchilik «Neftchi»ning taqvimini ko‘rib oson deb o‘ylayapti. Menimcha, unaqa emas. «Nasaf»da ham taqvim oson emas. Yaqqol favorit yo‘q deb o‘ylayman, jamoalarning imkoniyati 50 ga 50. Kurash oxirgi turgacha davom etsa kerak.
«Navbahor» PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
