Xabaringiz bor, «Andijon» klubini endi OCHL 2 doirasida Bahraynda «Al-Xaldiya»ga qarshi muhim uchrashuv kutmoqda.
«Burgutlar» kecha Manama shahriga yetib kelgan va bo‘lajak o‘yinga jiddiy tayyorlanmoqda. Barcha futbolchilar jangovar holatda va puxta tayyorgarlik ko‘rishmoqda.
Jamoaning iste’dodli futbolchilaridan biri Sunnatulloh Hamidjonov klub matbuot xizmatiga bo‘lajak bellashuv oldidan intervyu berdi.
— «Andijon» OCHL2 doirasida Bahraynda «Al-Xaldiya»ga qarshi maydonga tushadi. Uchrashuv oldidan nima deya olasiz?
— Raqib haqida ma’lumotlarga egamiz. Chunki o‘z uyimizda — “Bobur arena”da yaxshi, chiroyli o‘yinlar ko‘rsatganmiz. Xudo xohlasa, Bahraynga g‘alaba uchun keldik. OCHLda yaxshi harakat qilyapmiz. Nasib qilsa, bu yerdan uch ochko bilan qaytamiz.
— «Al-Xaldiya»ga qarshi Andijondagi bellashuvda hisob ochilmagandi. Ammo jamoamiz ancha hujumkor va tajovuzkor o‘yin ko‘rsatgan. Ushbu bellashuvdan xulosa qiladigan bo‘lsak, bu safar qanday o‘yin kutyapsiz?
— Xudo xohlasa, hujumkor o‘yin namoyish qilamiz. Yana murabbiylarimiz bizga qanaqa taktikada o‘ynashimizni aniqroq tushuntirishadi.
— «Al-Xaldiya» klubi 29 oktyabr kuni uyida «Al-Ahli»ga qarshi muddatidan avvalgi 5-tur o‘yinini o‘tkazib oldi. Guruhdagi hozirgi vaziyatga qanday baho berasiz?
— Guruhdagi vaziyat yaxshi. Hammada imkoniyat bor. Guruh bosqichidan chiqsak bo‘ladi, 1-o‘rinni egallashimizga ham hali imkon mavjud.
— 3 ta uchrashuvda gol urmadik va gol o‘tkazmadik. Bunga qanday izoh bergan bo‘lardingiz?
— Albatta, gol urishimiz kerak. Gol o‘tkazmayotganimiz ham katta yutuq. Nasib bo‘lsa, gol o‘tkazmaslikni davom ettiramiz. Xudo xohlasa, 4-turdan gol urishni boshlaymiz.
— Siz uchun birinchi navbatda nima muhim: gol urishmi yoki gol o‘tkazmaslikmi?
— Birinchi navbatda darvozamiz daxlsizligini saqlay olsak, hujumda albatta imkoniyatlar bo‘ladi va undan foydalanishga harakat qilamiz. Omadga ham bog‘liq.
— «Al-Xaldiya»ga qarshi Andijondagi bahsda o‘ynadik va endi ularni bilamiz. Bo‘lajak raqibni kuchli va kuchsiz taraflari nimada deb o‘ylaysiz?
— Hamma futbolchilari tezkor, texnikalari bor. Har bir o‘yinchiga puxta yonadashamiz. Har doim muxlislarimiz birinchi o‘rinda turishadi. Ular qayerda o‘ynashimizdan qat’iy nazar bizni qo‘llab turishadi. Ularga rahmat va xursand qilish uchun bor kuchimizni sarflaymiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
