Xabaringiz bor, ushbu turnir yil boshida e’lon qilinganda 4 ta bosqichda o‘tishi belgilandi.
Birinchi bosqich:
31 martdan 5 aprelga qadar Braziliyaning Fos-du-Iguasu shahrida bo‘lib o‘tdi. Unda vakillarimiz hech kimga imkon qoldirmay, 5 ta oltin, 2 kumush va 1 bronza medallarini qo‘lga kiritishdi. Bizdan keyin mezbonlar 3 dona oltin ola olishdi xolos.
Ikkinchi bosqich:
10-17 may kunlari Polshaning Varshava shahri World Boxing tashkiloti kubogi bahslarining ikkinchi bosqichiga mezbonlik qildi. To‘lqin Qilichev boshchiligida jamoamiz 6 ta oltin, 1 kumush va 2 ta bronza bilan musobaqani yakunladilar. Bu safar ham jamoamiz tengsiz bo‘ldi.
Dastlab, Polshadagi turnir World Boxing tashkiloti kubogi bahslarining ikkinchi bosqichi deya nomlandi. Ammo musobaqa boshlanishiga sanoqli kunlar qolganida turnir tashkilotchilari musobaqa "Feliks Stamm" xalqaro xotira turniri va World Boxing tashkiloti kubogi kollaborasiya shaklida o‘tkazilishini va bu yakuniy medallar reytingiga qo‘shilmasligini ma’lum qilishdi.
Uchinchi bosqich:
Qozog‘istonning Astana shahri, 28 iyundan 7 iyulgacha yana bir World Boxing tashkiloti kubogi bahslarining tartib bo‘yicha uchinchi (Polshani hisobga olganda) bosqichiga mezbonlik qildi. Bu safar musobaqada Liverpulda bo‘lib o‘tadigan Jahon chempionatining muhimlilik darajasi tufayli erkaklar terma jamoamiz ishtirok etmadi.
Elshod Rasulov boshchiligidagi qizlarimiz bo‘lsa, 1 ta oltin va 4 bronza bilan tugatishdi. Qayd etish joiz, ayollar terma jamoamiz katta tarkibda birinchi bor Astanada qatnashdilar. Ungacha Polshada bir nafar qizimiz ringga ko‘tarilgandi xolos.
To‘rtinchi, so‘ngi bosqich:
Kuni kecha yakuniga yetgan Hindistondagi World Boxing tashkiloti kubogi bahslari final bosqich deya nomlandi. Unda terma jamoamizning yosh tarkibi 4 ta oltin, 5 kumush va 4 ta bronza medallarini qo‘lga kiritishdi. Umumjamoa hisobida mezbonlardan so‘ng ikkinchi bo‘ldik. Erkaklarimiz bo‘lsa o‘z toifasida doimgidek birinchilikni bermadi. Qizlarimiz ham musobaqada munosib ishtirok etdilar. Ayrim final janglari bo‘lsa, hakamlarning tushunarsiz qarorlari tufayli raqiblar tomoniga hal etildi. Bunga yaqqol misol, Oltinoy Sotimboyeva va Gulsevar Ganiyevalar ishtirokidagi janglar. Boksda shunaqasi ham bo‘lib turadi. Shunga qaramasdan ushbu kubok bahslari qizlarimiz uchun katta tajriba maydoni bo‘ldi.
O‘ylaymizki, ushbu turnirda olingan tajribalar muhim pallalarda, Olimpiada o‘yinlari, Jahon chempionati bahslarida anchagina as qotadi. Shunday qilib, tashkilot kubok bahslarini yakunladi.
Ushbu mavsumiy musobaqa, o‘zining Olimpiada o‘yinlariga ballar taqdim etishi bilan ham ahamiyatli. Terma jamoamiz, to‘rtta bosqich deb olsak, barchasida turli tarkiblar bilan ishtirok etib, barcha yosh va umidli bokschilarga imkon berdi. Nyu-Deli ham bunga yaqqol misol.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
