"Andijon" klubiga taklif etilgan tajribali futbolchilardan biri Islom To‘xtaxo‘jayev ham jamoaning Antaliyadagi o‘quv-mashg‘ulot yig‘inida faol ishtirok etmoqda. Klub matbuot xizmati esa To‘xtaxo‘jayevdan intervyu oldi.
- Islom, "Andijon" jamoamizga xush kelibsiz!
- Rahmat.
- Dastlab taklifni qabul qilishingiz sabablari haqida o‘rtoqlashsangiz.
- "Andijon"dan taklif kutilmaganda bo‘ldi. Sababiga kelsak, muxlislar. Har qanday futbolchiga bunday ishqibozlar qarshisida o‘ynash yoqimli bo‘ladi. Samvel Babayan bilan gaplashganimdan keyin bu yerga o‘tishga ishonch hosil qildim. Chunki jamoani maqsadi juda yuqori. Xudo xohlasa, o‘ylagan niyatlarimizga yetaylik va chempion bo‘ladigan jamoa bo‘lish nasib qilsin.
- Yangi oilaga keldingiz va ilk taassurotlar qanday?
- Barcha futbolchilar bilan tanishmiz. Asosiy maqsad "Andijon" muxlislarini xursand qilish va ularni doimo g‘alabalar bilan quvontirish.
- Antaliya yig‘inida ishtirok etyapsiz va bu borada nima deya olasiz?
- Tayyorgarlikda hozircha asosan jismoniy holatga e’tibor qaratilyapti. Sharoitlar yaxshi, ajoyib maydonlarda shug‘ullanyapmiz.
- Qo‘yilgan jiddiy maqsadga yarasha tarkib ham kuchaytirilyapti. O‘zgarishlarga qanday munosabatdasiz?
- Mahoratli futbolchilar va iqtidorli yoshlar ham taklif qilinyapti. Bir oila bo‘lib maqsadimizga erishamiz, degan niyatdaman. Xursandman, yaxshi o‘yinchilar yig‘ilyapti.
- Siz orqali himoya chizig‘i yanada kuchaytirilishi turgan gap. Shuning uchun sizga bo‘lgan ishonch va mas’uliyat katta.
- Mas’uliyat bilan o‘ynash yoqimli, professional futbolda va ayniqsa o‘zimga. Aynan mas’uliyat va muxlislarning bosimi ostida to‘p surish ancha yoqimli bo‘ladi. Eng oliy maqsad uchun kurashamiz. "Andijon" jamoamizni muvaffaqiyatli yo‘lida yoshlarga qo‘limizdan kelganicha yordam berishga harakat qilamiz.
- "Andijon"da to‘p surishingizni faoliyatingizda qanday bosqich deb hisoblaysiz?
- Jamoani oldiga qo‘yilgan maqsad oliyligi uchun ham bu qarorim to‘g‘ri. Chunki doim yuqori o‘rinlar uchun kurashadigan klublarda o‘ynab o‘rganganman. Xudo xohlasa, stadion to‘la muxlislar bilan o‘ynash nasib qilsin. Yoshlarga ham yo‘l ko‘rsatamiz va chempionlik harakterini singdirishimiz kerak. Murabbiylar ko‘rsatmasini to‘liq bajarishga hamma bor kuchi bilan, yurakdan harakat qilsa, Xudoim ham to‘g‘ri yo‘lni ko‘rsatadi va natijasini ham beradi. Asosiysi, murabbiylarni ko‘rsatmasini to‘g‘ri bajarsak, barchasi to‘g‘ri bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
