Germaniyada milliy terma jamoaning 2026 yilgi jahon chempionatida ishtirok etishdan bosh tortishi mumkinligi muhokama qilinmoqda. Bunga Grenlandiya atrofidagi siyosiy ziddiyat sabab bo‘lmoqda, deya xabar beradi Sports.kz Marca nashriga tayanadi.
2026 yilgi jahon chempionati arafasida xalqaro siyosat bilan bog‘liq yangi noaniqlik omillari paydo bo‘ldi. Germaniyada rasmiy darajada Grenlandiya maqomi atrofidagi mojaro keskinlashsa, turnirni boykot qilish ehtimoli tilga olindi. Bu tashabbusni Xristian-demokratik ittifoq vakili, amaldagi kansler Fridrix Mersga yaqin bo‘lgan nemis siyosatchisi Yurgen Xardt ilgari surdi.
Muhokamalarga AQSH prezidenti Donald Trampning pozisiyasi sabab bo‘ldi. U avvalroq Grenlandiyani milliy xavfsizlik masalalari bilan izohlab, AQSHga qo‘shib olish imkoniyatini ko‘rib chiqish niyati borligini ochiq aytgan edi. Bu bayonotlar Daniya tomonidan keskin reaksiyaga sabab bo‘ldi, shuningdek, Yevropa Ittifoqi va NATO tuzilmalarida ham xavotir uyg‘otdi.
Bild nashriga bergan intervyusida Xardt turnirda ishtirok etmaslik siyosiy bosimning eng keskin chorasi sifatida ko‘rib chiqilishi mumkinligini qayd etdi. Shu bilan birga, u Germaniya diplomatik yo‘l bilan masalani hal etishga umid qilayotganini ta’kidladi. Dunyodagi eng sovrindor terma jamoalardan birining ehtimoliy boykoti FIFA uchun jiddiy tashkiliy va iqtisodiy xatarlar keltirib chiqarishi mumkin.
2026 yilgi jahon chempionati bir vaqtning o‘zida uch davlat — AQSH, Kanada va Meksikada o‘tkazilishi rejalashtirilgan bo‘lib, tarixda ilk bor 48 ta milliy terma jamoani birlashtiradi. AQSH va bir qator Yevropa davlatlari, jumladan Germaniya va Daniya o‘rtasidagi keskinlik kuchayib borayotgan sharoitda turnir atrofidagi vaziyat xalqaro sport tuzilmalari diqqat markazida qolmoqda.
Qo‘shimcha ravishda, AQSH tomonidan ayrim Yevropa mamlakatlariga nisbatan joriy etilgan savdo bojlari ham umumiy diplomatik fonni yanada murakkablashtirmoqda.
Germaniya futbol terma jamoasi jahon chempionatini to‘rt marta qo‘lga kiritgan: 1954, 1974, 1990 yillarda (GFR sifatida) va 2014 yilda. Bu ko‘rsatkich bo‘yicha u faqat besh karra jahon chempioni bo‘lgan Braziliyadan ortda qoladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
