2024-yilgi Parij Olimpiadasi uchun tayyorgarlik bazasi sifatida tashkil etilgan “Olimpik” futbol klubi murabbiylari va futbolchilari 6 oydan buyon maosh olmayotganliklari yuzasidan O‘zbekiston futbol assosiasiyasi va Professional futbol ligasiga masalani hal qilishga ko‘maklashish bo‘yicha videomurojaat yo‘lladi.
“Olimpik” klubining sobiq a’zolari ma’lum qilishicha, murabbiylar shtabi va futbolchilarga 2025-yilning may oyidan buyon maosh to‘lanmagan. Yarim yillik qarzdorlik masalasida O‘zbekiston futbol assosiasiyasi (O‘FA) va O‘zPFLga rasmiy yordam so‘rab murojaat qilingan.
“Men darvozabonlar murabbiyi sifatida 'Olimpik' jamoasida ishladim va o‘tgan yilning may oyidan boshlab 5 yarim oy maosh olmadim. O‘FAga murojaatim: iltimos, oyliklarimizni hal qilib beringlar. Bizning ham bolalarimiz bor”, deydi klubning darvozabonlar murabbiyi Ma’mur Ikromov.
Shuningdek, bir qator futbolchilar ham ushbu ma’lumotni tasdiqlagan.
“O‘tgan mavsumni 'Olimpik' safida o‘tkazdim. Bizga 2025-yil may oyidan buyon maoshlarimiz berilmadi. O‘zbekiston futbol assosiasiyasi, Ravshan Ermatov, Diyor Imomxo‘jayev, shu masalani hal qilib berishingizni so‘raymiz”, deydi futbolchi Doniyor Erkinov.
Hozirda mazkur holat O‘FA tomonidan o‘rganilmoqda. Assosiasiya mutaxassislar va futbolchilarning huquqlari himoya qilinishini ta’minlashga va’da berib, yaqin kunlarda jarayon natijalari bo‘yicha qo‘shimcha ma’lumot taqdim etilishini bildirdi.
Mazkur loyiha Parij Olimpiadasidan so‘ng o‘zining birlamchi missiyasini yakunlagach, kutilmagan qiyinchiliklarga duch keldi. 2024-yilgi Superliga mavsumini 12-o‘rinda yakunlagan jamoa, ligada qolish uchun kechgan pley-off bahsida dastlab “Sho‘rtan”, keyingi bahsda esa “Metallurg”ga imkoniyatni boy berdi.
Biroq “Metallurg” klubi professional maqomini yo‘qotgach, Professional futbol ligasi (O‘zPFL) 2025-yilning 5-yanvariga qadar “Olimpik” klubiga Superligada qolish imkoniyati va lisenziyalash talablari bo‘yicha rasmiy muddat taqdim etdi. Klub 2025-yilgi mavsumni Proligada o‘tkazishga qaror qildi.
Jamoaning yetakchi futbolchilari boshqa klublarga transfer qilingach, tarkib yoshlar bilan to‘ldirildi. Ammo quyi ligadagi ishtirok muvaffaqiyatsiz kechdi — jamoa mavsumni so‘nggi o‘rinda yakunladi.
Hatto klub 2025-yil noyabr oyida Ligaga rasmiy xat yo‘llab, moliyaviy qiyinchiliklar sababli Proliganing so‘nggi 20-turidan o‘rin olgan “FarDU” jamoasiga qarshi bahs uchun Farg‘ona shahriga bora olmasligini ma’lum qilgan edi.
Shundan kelib chiqib, Superliga va Proliga reglamentining 9.11-bandiga asosan, “Olimpik” jamoasiga 0:3 hisobidagi texnik mag‘lubiyat, “FarDU” jamoasiga esa 3:0 hisobidagi texnik g‘alaba yozilgan edi.
2024-yildayoq Milliy Olimpiya qo‘mitasi tomonidan 2028-yilgi Los-Anjeles Olimpiadasi uchun yangi sikl doirasida “Olimpik Mobiuz” loyihasi ishga tushirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
