O‘zbekiston Superligasining 3-turidan o‘rin olgan “Paxtakor” – “Navbahor” (0:2) uchrashuvidan keyingi matbuot anjumanining birinchi qismida mehmonlar bosh murabbiyi Timur Kapadze ishtirok etib, OAV xodimlarining savollariga javob berdi.
“Lochinlar” ustozi odatdagidek, o‘z so‘zini uchrashuv haqidagi fikrlari bilan boshladi.
— Barchani g‘alaba bilan tabriklayman. Bugun tarixiy yutuqqa erishildi. “Navbahor” “Paxtakor”ni safarda mag‘lub etmaganiga 31 yil bo‘lgan ekan. Barcha yigitlarga rahmat. Muxlislar ham sovuqda bizni yolg‘izlatib qo‘yishmadi. O‘yinga yaxshi tayyorgarlik ko‘rgandik va qor biroz tashvishga soldi, ammo rejalarimizga ta’sir o‘tkazmadi.
— O‘tgan turdagi “Buxoro”ga qarshi uchrashuv qiyin kechgandi. “Ular o‘zi ham futbol o‘ynamaydi va raqibga ham o‘ynashga bermaydi”, degan edingiz. Bugungi raqibning “Paxtakor” ekanligi biroz yengillik berdimi?
— Futbolni qurishdan ko‘ra, uni buzish osonroq. “Buxoro”ga qarshi qiyin uchrashuv bo‘ldi, lekin o‘yinni tahlil qilib chiqdik. Kamchiliklar ustida ishladik. “Paxtakor”ni o‘rganib chiqdik va mazkur uchashuvga alohida reja tuzdik. Menimcha, bugun o‘yin bo‘yicha raqibdan ustun edik. “Paxtakor”ga qarshi kechadigan bellashuv har bir raqibga alohida motivasiya degani. “Paxtakor”ni yutish juda yoqimli.
— Ikkinchi bo‘limda intensivlik oshishining sababi nimada?
— Ikki bo‘limda ham o‘ziga yarasha jihatlar bo‘ldi. Qayerdadir qo‘shdik, qaysidir vaziyatda raqibga ustunlikni berdik. “Paxtakor” jiddiy raqib. Bugun esa raqibdan kelib, harakat qildik.
— Dastlabki ikki tur bilan solishtirganda qanotlarda va hujum chizig‘ida rotasiyaga qo‘l urdingiz. Bugungi rotasiyaning sababi nimada?
— Har o‘yinda rotasiya qilyapmiz. Sababi, har bir futbolchiga imkoniyat berib ko‘rishim kerak. Tarkibimiz yaxshi. Har bir pozisiyaga ikki nafardan futbolchimiz bor. Avvalgi ikki raqibimiz ham bizdan bir kun ko‘proq dam olgandi. Bularning barchasini inobatga olgan edik. Kimdir birinchi bo‘limda, qolganlar esa ikkinchi bo‘limda maydonga qo‘shiladi. Bugun asosiy tarkibdan o‘rin olganlar ham o‘zlarini yaxshi ko‘rsatishdi.
— “Navbahor” Eron klublarida to‘p tepayotgan legionerlarimizni o‘z safiga qo‘shib olishi mumkinmi?
— FIFA ruxsat bersa, harakat qilamiz. Agar ruxsat olinsa, gaplashib ko‘rgan futbolchilarimiz bor. Ko‘ramiz, nasib qilgan bo‘lsa agar. Erondagi yigitlarimizni har bir klub o‘z safiga qo‘shib olishni istaydi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
