«Atletiko»ning yangi a’zosi Kristian Romero klubdan ketganidan so‘ng «Tottenxem» muxlislari bilan xayrlashdi.
«Bugun men besh mavsum davomida men uchun shunchaki klubdan ancha ustun bo‘lgan maskan bilan xayrlashmoqdaman. Bu mening uyim, sinovim va oilam bilan hayotimizning juda muhim qismini o‘tkazgan makonimiz edi.
Men xotiralarga to‘la yurak va birgalikda boshdan kechirgan, erishgan barcha narsalarimizdan cheksiz faxrlanish tuyg‘usi bilan ketayotibman.
Bu yerga kelganimda, aniq bir orzuim bor edi — ushbu klub tarixida o‘z nomimni qoldirish. Bunga erishishning yagona yo‘li — tinimsiz mehnat, fidokorlik va uzoq vaqt davomida juda murakkab tuyulgan maqsadga erishish, ya’ni yana sovrin yutish ekanligini aniq bildim.
Va biz buni uddaladik.
Bu yo‘l ideal bo‘lmadi, ammo xayrlashuv so‘zlarim aynan shu bilan yodda qolishini xohlamayman. Men baxtli lahzalarni, saboqlarni, yonimda bo‘lgan insonlarni va eng asosiysi, ushbu besh yil davomida olgan mehr-muhabbatingizni eslashni istayman.
Ushbu yo‘lda men bilan birga bo‘lgan klubdagi hammaga rahmat. Murabbiylarga, jamoadoshlarimga, xodimlarga va parda ortida mehnat qilayotgan har bir insonga. Sizning baringiz mening tariximning bir qismiga aylandingiz va yuragimdan abadiy joy olasiz.
Alohida tashakkurim esa muxlislarga.
Meni yaxshi ko‘rganingiz, hurmat qilganingiz va eng birinchi kundan beri o‘zingizdan biridek his qilishimga imkon berganingiz uchun rahmat. Har bir bag‘rga bosish, har bir qo‘shiq, har bir bayroq, har bir qarsak va har doim yonimda bo‘lganingiz uchun tashakkur.
Mukammal bo‘lmaganimni bilaman, ammo meni bir narsa tinchlantiradi: men har doim borimni berib o‘ynaganman. Men ushbu libosni faxr va butun yuragim bilan himoya qildim.
Hammasi uchun rahmat.
Men klubni tark etmoqdaman, ammo yuragimning bir parchasi abadiy shu yerda qoladi.
Qachonlardir men sizlardan biri edim. Bugun ketayotibman, ammo to abad sizlardan biri bo‘lib qolaman.
Butun mehrim va hurmatim bilan. Hammasi uchun rahmat. Xayr, «Tottenxem», — deb yozdi Romero Instagram’da.
«Atletiko» 28 yoshli argentinalik markaziy himoyachini «Tottenxem»dan 40 million yevro evaziga sotib oldi. U «shporlar» tarkibida 156 ta o‘yin o‘tkazib, 13 ta gol urdi va 5 ta assistni o‘z hisobiga yozib qo‘ydi.
2024/25 yilgi mavsumda Romero «Tottenxem» bilan birga Yevropa Ligasida g‘olib chiqqan edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
