2014 йил 8 сентябрь. Эрталаб ишга отланар эканман, негадир кайфиятим аъло даражада эди. Бугун яхши кун дейман ўзимга ўзим, аслида ёмон куннинг ўзи йўқ. Худойим берган кунни қандай ўтказиш инсонни ўзига боғлиқ.
Лекин бугун барибир яхши кун дейман яна. Чунки бугун иккита ўртоқлик учрашуви бор, биринчиси Миллий терма жамоамиз Океания етакчиси Янги Зеландия билан ўртоқлик учрашуви бўлса, иккинчиси шу ўйин баҳона Stadion.uz сайтининг энг фаол юзерлари билан дўстона учрашувимиз бор эди. Миллий термамизнинг халқаро учрашуви ҳафтанинг душанба кунига тўғри келиб, биз каби давлат ишида ишлайдиган мухлисларга бироз муаммо туғдириши аниқ бўлса-да, лекин бу кунни, бу учрашувни ўтказиб юборишга ҳаққим йўқ эди, чунки бугун яхши кун.
Хуллас, режамиз қуйидагича эди, 8 сентябрда соат 11:00да “Пахтакор” стадиони олдида кўришамиз, ҳамма йиғилгач, биргаликда тушлик қилиб, ўйин бошлангунга қадар мириқиб суҳбатлашамиз, яқиндан жонли ижрода танишамиз ва биргаликда терма жамоамизни бевосита стадионда қўллаб-қуватлаймиз. Элмурод (ELMUS) ва Нурилло (KAKASTAD) шу учрашув учун бирлари Андижондан, бирлари Бухородан бир кун олдин, яъни 7 сентябрь куни кеч томон йўлга чиқишгани тахсинга сазовор. Айнан узоқ масофа босиб келган ушбу дўстларимиз ҳурмати учун давлат ишини бир чеккага суриб, телефонни “хизмат доира” қилишга тўғри келди. Шунда ҳам соат 11 ларда кўришиш насиб этмади, бунга кутилмаган мажлис сабаб бўлди. Хуллас, соат 16:00лар атрофида “Пахтакор” стадионига етиб келдим. Унгача Элмурод билан 2-3 марта телефон орқали гаплашдик, қизиқарли суҳбатдан парча:
Элмус: — Алло, Маъмуржон яхшимисиз? Биз кеб қўйдик Тошкентга. Мамрино: — Элмурод, яхши келдизми? Чарчамасдан, Йўллар қийнаб қўймадими? Элмус: — Чарчаш йўқ, “Такси” деган кинони кўрганмисиз? Аши кинодаги Даниэль бору, бизни шопир ука бўлади, учириб обкелди. Мамрино: — Э яшанг, ҳозир қаерда турибсиз, Бухородан Нурилло ҳам келиши керак эди. Элмус: — Биз федерация олдидамиз, Нурилло ҳам мен билан, ЎФФ дегани шуяканда, кастим шим кийган, қорин қўйган кишилар кириб чиқиб юришибди ома. Мамрино: — Дўстим ертўлани олдидаман денг, кастим шим кийганларни қорнини кўрябсизми, ўша бизни ўтган йилги ўйналми қоб кетган ўртоқлик учрашувимиз бўлади.
Ана шундай ҳазил-ҳузуллар билан айтиб ўтганимдай соат 16лар атрофида стадион олдига келдим, унгача дўстларимиз ҳам йиғилишиб қолган экан, Аббосбек (РСаиди), Бурҳонбек (ФКЮвентус), Sunnatbek (ACMILANLIVE) Фарҳодбек (Берселиус)лар келиб Элмурод ва Нурилло билан суҳбатлашиб туришган экан. Ҳамма билан кўришиб, танишиб, бироз суҳбатлашиб бўлгач, ҳаммамиз таммадихонага йўл олдик, у ерда “Андижон” фан-клуби аъзоларини кўрдик. Очиғи, “Андижон” жамоасининг шундай фидойи мухлислари бўла туриб Олий лигада охирги ўринда юриши шахсан мени ҳайрон қолдирди. Ҳа, айтгандек, таммадихонада сафимиз яна кенгайди, Ҳусанбой ва Узгазоил ники эгаси Азамат ҳам қўшилишди. Баъзи дўстларимиз эса давлат ишидан чиқолмай, учрашувга келишолмади, шулардан бири Камолиддин (Касперский) билан соат 18:00ларда стадионга юзландик, ортиқча чиптани сотишга қолган Бурхонбек ва Ҳусанбой эса “қовун”ни каттасини туширишди, яъни Камолиддинга олинган чиптага қўшиб Даниэл (Элмуроднинг дўсти)нинг чиптасини ҳам сотиб юборишибди. Стадионда 35-сектордан жой олдик, мириқиб ўйин кўрдик. Учрашув бошланмасдан олдин Нурилло ҳисоб 3-1 бўлади, терма жамоамиз ютади, деб башорат қилди. Қосимов (Бурхонбекнинг тилида “Тоға”) бошчилигида терма жамоамиз ҳам худди Нуриллони гапини икки қилмайлик дегандай 3-1 ҳисобда чиройли ғалабага эришди. Нурилло эса айтгандим-ку бу ўйинни кўрганман, ҳисобини била туриб Бухородан келибман-а деб ҳаммамизни кулдирди. Очиғи, терма жамоамизни ўйинни бизда илиқ тассуррот қолдирди, юзерларни оёғи енгил келдими дейман, жамоамизни ўйинни қовушди. Аҳмедов, Жепаров, Ҳайдаров, Алимов, Муҳаммедовларнинг хатти-ҳаракати менда яхши тассуррот қолдирди, очиғи, анчадан бери миллий жамоамизнинг бундай чиройли ўйинини кўрмаган эдик. Ўйин тугагач Миржалол Қосимов ва терма жамоамиз аъзоларини қарсаклар билан кузатиб қўйдик. Раҳмат сизларга бугунги кунимизни янада хайрли қилганингиз учун, ахир бугун яхши кун.
Шундай қилиб биз яхши кайфиятда тарқалдик. Ҳусанбойни тилидан Фантан никли юзерга Худо берди деган сўз тушмади, нимаям дердик, термамиз шундай ютиб тураверсин, Фантанга Худо бераверсин. Кейинги яхши кунимиз — 8 декабрда. Бу гал сафимиз янада кенгаяди деган умиддаман, олға, Stadion.uz!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Stadion.uz мухлислари
