Аввало ҳаммани кириб келаётган янги 2015 йил билан “Мухлис минбари” блоги номидан чин дилдан табриклаймиз, янги йил барчамизнинг хонадонимизга қувонч, шодлик олиб келсин.
Одатда йил сўнгида ҳар бир инсон ортга назар ташлаб, эришган ютуқлари, йўл қўйган хато камчиликларини сарҳисоб этиб, янги йилга янги режалар, янги мақсадлар билан қадам қўяди. Бизнинг “Мухлис минбари” блогимиз ҳам йил давомида сиз азиз мухлисларнинг, Stadion.uz’нинг севимли юзерларининг юрагидаги гапларини, ўй хаёлларини, орзу ниятларини имкон қадар ёритишга, ўз номига мос бўлиб, мухлисларнинг минбари бўлишга интилдик ва озми-кўпми бу вазифани удаллай олдик деб ҳисоблаймиз. Зеро, баъзи блоглар очилганидан буён “чанг” босиб ётган бир пайтда, биз мухлисларни қийнаётган долзарб муаммоларни ёритиб боришга ҳаракат қилдик. Албатта камчиликсиз иш бўлмайди, беайб Парвардигор, деганларидек билиб-билмай хато камчиликларга ҳам йўл қўйган вақтларимиз ҳам бўлди, келгусида ушбу камчиликларни бартараф этиб, йил давомида блогимиз орқали сиз азизларни футболимиз ҳақидаги фикр мулоҳазаларингизни, сизни қийнаётган муаммоларни кенг ёритиб боришга интиламиз ва ўз номига хос мухлислар учун минбар бўлиб хизмат қилишга тайёрмиз.
Ортга назар ташлаб, ўтган йилги энг ёқимли ҳиссиёт бу юзерлар учрашувини ташкил этганимиз бўлганлигини алоҳида таъкидлаб ўтишимиз лозим. Айнан шу учрашув баҳона фақатгина севимли сайтимиз орқали ғойибона суҳбатлашиб, реал ҳаётда кўришмаган бир қатор юзер дўстларимиз билан юзма-юзма кўришиб, дўстлашиб, айни вақтда уяли алоқа воситаси орқали ҳол-аҳвол сўраб юрганлигимиз, Республикамизнинг турли чеккаларидан дўстлар ортириб, ҳар бир байраму, яхши кунларда бир-биримизнинг табриклаб, қўнғироқлашиб турганлигимиз, меҳр-оқибатли дўстларимиз сони кўпайиб борганлиги, бу бизнинг катта ютуғимиз.
Айнан шуларни инобатга олиб, қолаверса ўтган сафарги учрашувга келолмай афсусланган стадиончи дўстларимизнинг илтимосларига кўра, биз янги йилдаги амалга оширадиган илк ишимиз Stadion.uz юзерларининг учрашувини ташкил этишдан бошлашга қарор қилдик. Қисқаси, сайтнинг барча мухлисларини 2015 йил 4 январь кунлари пойтахтимиз Тошкентда кутиб қоламиз.
Дарвоқе, режага кўра, stadion.uz мухлислари ва championat.asia мухлислари ўртасидаги футбол бўйича ўртоқлик ўйини ташкил қилиниши режалаштирилган. Шу боис, мухлислар ўзлари билан футбол ўйнаш учун форма олиб олишлари мақсадга мувофиқ бўлади.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Stadion.uz мухлислари
.jpg)
