Пике Кукурельянинг «Реал»га ўтганига муносабат билдирди [6408]
Фабрицио Романо Роберт Левандовски фаолиятини қаерда давом эттиришини маълум қилди [5429]
Эрон мураббийи жамоа Янги Зеландия билан ўйиндан кейин АҚШдан чиқариб юборилгани ҳақида гапирди [5186]
Пике Кукурельяни «Реал»га ўтгани учун кескин танқид қилди [3690]
Кэррик Рэшфорднинг «Манчестер Юнайтед»даги келажаги борасида бир қарорга келди [2772]
Испания терма жамоаси ҳужумчиси Оярсабаль ЖЧда антирекорд ўрнатди [2535]
Ямал Кабо-Вердега қарши ўйиндан сўнг баёнот берди [2232]
ЖЧ-2026: Саудия Арабистони - Уругвай - 1:1 (видеошарҳ) [1709]
ЖЧ-2026. Испания - Кабо-Верде учрашувининг энг яхши футболчиси аниқланди [1388]
Килиан Мбаппе ЖЧ тўпурарлари рекордини янгилаш имконияти ҳақида гапирди [1308]
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Луис Суареснинг Кьеллинини тишлаб олиши эса ҳаммасидан ошиб тушди. Одатда, Суарес ҳам қизиққон футболчилар тоифасига киради. Ҳар кандай вазиятда ҳам асабни жиловлаб олиш керак. Бу ёқда Ватаннинг терма жамоаси муҳим учрашувда иштирок этиб турганда шундай қилиш шартми? Менимча, ўшанда Суарес жамоасини кейинги босқичга чиқишига ишонмади. Чунки Италия ҳимояда жуда аниқ ҳаракат қилаётганди. Бунақа инсонлар, назаримда, биринчи ўринда жамоа манфаатидан кўра ўз манфаатини устун кўради. Жамоасини кейинги учрашувларда қанчалик машаққатли ўйинлар кутиб турганини ҳис этмайди. 4 йилда бир марта ўтказиладиган ЖЧда шундай иш қилиб нима кераги бор? 
Сарлавҳани кўриб ажабланманг. Аргентина футболи тарихидаги 4 та энг яхши ўйинчининг фаолиятига бир назар ташлагим келди. Булар Марио Кемпес, Диего Марадона, Габриэль Батистута ва Лионель Месси. Тўртталаси ҳам ўз олдиларига юксак мақсадларни қўйган футболчилар. Уларнинг энг олий мақсадлари ҳам битта бўлга - жаҳон чемпиони бўлиш. Улардан айримларига бу шарафли унвон насиб этган, айримларига эса йўқ. Марио Кемпес ЖЧ-1978да муҳим голлари билан Аргентина терма жамоасини чемпионликкача етаклаб борди. 6 та гол билан ЖЧда тўпурар бўлди, мусобақанинг энг яхши футболчиси деб топилди. Кейин Диего Марадона замони келди. Унинг номи футбол тарихида олтин ҳарфлар билан ёзиладиган бўлди. Диего Марадонани ҳатто айрим ҳолларда футбол қироли Пеледан ҳам устун кўришади. ЖЧ-1986да Аргентина терма жамоасининг бош совринни қўлга киритишида Марадонанинг жуда катта ҳиссаси бор.
медални қўлга киритган бўлса, ЖЧ-1994да эса допинг назоратидан ўта олмай чемпионатдан ҳайдалди. Аммо бу орада Аргентина футболида бошқа бир футбол юлдузи бўй кўрсатди. Бу инсон ҳозирги кунгача Аргентина терма жамоасида энг сермаҳсул голеадор бўлган Габриэль Батистутадир. Батистута ЖЧ-1994да илк учрашувдаёқ Греция терма жамоаси дарвозасига хет-трик йўллади. Унинг ҳам олий мақсади жаҳон чемпионлигини қўлга киритиш эди. АҚШда ўтган ЖЧда Марадона четлатилгандан кейин терма жамоанинг ўйини буткул йўқолди. Нимчоракфиналда Аргентина Руминия терма жамоасидан шармандали тарзда маглубиятга учради - 2:3. ЖЧ-1998да ҳам "Бати-гол" ўзининг хет-трикини нишонлади. Ямайка терма жамоаси "йўл-йўллилар" томонидан 5:0 хисоби билан таслим этилди. Бу жамоанинг ҳам мақсади чемпионлик эди. Аммо чорак финалда Аргентина Голландия терма жамоасидан мағлубиятга учради - 1:2. 
ЖЧ-2002да Аргентина терма жамоаси кучли таркиб билан ташриф буюрди. Бу жамоанинг таркибини кўрган аргентиналиклар "бу таркиб 1986 йилда чемпион бўлган таркибимиздан 2-3 марта кучли" дейишгача борганди. Бироқ тақдирда ёзилгани бутунлай бошқача бўлиб чиқди. Нигерия, Англия ва Швеция терма жамоалари билан гуруҳда ҳаракат қилган Аргентина аламли тарзда чемпионатни тарк этди. Айниқса, гуруҳдаги охирги ўйин Швеция терма жамоасига қарши ўйиндан сўнг Габриэль Батистута чин кўнгилдан кўз ёш тўкди. Бу вақтга келиб футболчининг ёши ҳам 33га кириб улгурганди. Ўша чемпионат "Бати-гол" учун жаҳон чемпиони бўлиш учун охирги имконият эди. У фаолиятининг асосий қисмини Флоренциянинг "Фиорентина" жамоасида ўтказди. Флоренцияда унга ҳайкал ўрнатилган. Шундай футболчи жаҳон чемпиони бўлолмагани бутун дунёдаги футбол мухлисларини надоматга қолдирди. Ўша Швеция терма жамоасига қарши ўйиндан кейин журналистларга Батистута шу тарзда интервью берди: "Қандай ширин орзуларимиз бор эди-я!"
Аргентина футболи ҳамма жамонларда ҳам истеъдодларга бой бўлган. Батистута замони ниҳоясига етгандан кейин ЖЧ-2006да бошқа вундеркинд Лео Месси бўй кўрсатди. Бу футболчи тўғрисида ортиқча тўхталиб ўтишнинг ҳожати йўқдир. "Барселона" билан қўлга киритган титулларию, 4 марта жаҳоннинг тенгсиз футболчиси деб топилишининг ўзиёқ ҳар қандай футболчининг юксак орзуси бўла олади. Лекин унинг фаолиятида ҳам забт этилмаган чўққилар йўқ эмас. У жаҳон чемпиони унвонини қўлга киритгани йўқ. Ўшанда Месси илк учрашувдаёқ Сербия ва Черногория терма жамоаси дарвозасига тўп киритди. ЖЧ-2010да эса бирорта ҳам гол киритмай ортга қайтди. Ниҳоят, ЖЧ-2014да Месси ўзининг юксак орзуси томон катта қадам ташлади. Ниҳоят Кемпес, Марадона, Батистута ва Мессидан иборат 4 оға-ини ботирлардан "кенжа ботир"га навбат келганга ўхшайди. Аммо бунга бошқа фаворитлар рози бўлармикан? Ҳаммасини вақт кўрсатади.
Энг қизиғи, ОФК ҳам бу вазиятлар юзасидан текширув ишларини ҳам олиб бормади. Уларга ҳам Жанубий Кореянинг ЖЧда иштирок этиши лозим бўлса керак. Япония терма жамоаси ҳам кимларнингдир ёрдами билан мундиалда иштирок этди десак муболаға бўлмайди. Япония-КХДР ўйинида 0:0 ҳисоби қайд этилиб турганда ўйинга қўшиб берилган 6-дақиқада японлар гол урди. Агар ўша гол бўлмаганда биз ҳозирги чемпионатда Японияни кўрмасдик. Ана энди не-не умидлар билан жаҳон чемпионати ўйинларига юборилган жамоаларининг аҳволини бир кўринг. ОФК вакиллари чемпионатда иштирок этган барча конфедерациялар жамоалари орасида энг паст натижани қайд этишди. Қайд этишганда ҳам ўйинларда ранг-баранглик йўқ, ўша эски ҳаммом, эски тос, ғашингизни келтиради, холос. Ўз қобиғига ўралиб қолиш дейди бунинг отини. Ўзлари кўра била туриб юқоридаги камчиликларга йўл очиб бераётган қитъа футболида ривожланиш қаёқдан бўлсин?! Биз бу ёқда неча йилдан буён ЖЧ ҳақидаги орзумизни "қўшик" қилиб ётибмиз. Қитъанинг бошқа жойларида ҳам истеъдодлар йўқ эмас. Қани, ўшаларга йўлни кенг очиб берсин, фақат Япония билан Жанубий Кореяга ёпишиб олмай. Ўзлари хоҳлаб ЖЧга олиб борган терма жамоаларининг аҳволини кўрдик, мана.
