«Match TV» sharhlovchisi Nobel Arustamyan Odil Ahmedovning «Shanxay SIPG»ga o‘tish borasida ayrim tafsilotlarga oydinlik kiritdi.
"Odil Ahmedov — Osiyoda juda taniqli futbolchi. Odil — Osiyoning yetakchi terma jamoalaridan biri bo‘lgan O‘zbekistonning yetakchisi. Xitoy uchun Ahmedov legioner. Klublar esa xorijlik futbolchilar uchun katta maosh to‘lashadi. Xitoyda ko‘p o‘zbek futbolchilari o‘ynamoqda. Odilning o‘zi aynan Xitoyda o‘ynashni xohladi. «Krasnodar» bunga qarshilik ko‘rsatmadi, Ahmedovning oldiga hech qanday talablar qo‘ymadi.
Ahmedovga Yevropaning bir nechta jamoalari qiziqish bildirgandi, ammo o‘zining aytishicha, u «Krasnodar» uchun manfaatli bo‘lgan taklifni qabul qilgan. Ha, maosh tomonlama Odil uchun Xitoy varianti Yevropa jamoalariga nisbatan yaxshiroq. Umuman olganda, Odilga Yevropaning qandaydir katta jamoasi jiddiy qiziqqan, deb o‘ylamayman. U yerda Ahmedov "Krasnodar"dagi maoshini ham olmagan bo‘lardi.
Etti million yevro — bu raqam ko‘p jamoalarni cho‘chitib yuboradi. Lekin, adashmasam, futbolchi «Anji»dan «Krasnodar»ga taxminan shunday pul evaziga o‘tgan. Afsuski, albatta, Odil so‘nggi 2 yil davomida «Krasnodar» safida top-o‘yinchi darajasiga o‘smadi. U o‘sishdan to‘xtab qoldi. Shunga qaramay, shubhasiz, u sifatli o‘yinchi. «SHanxay» bilan 3 yillik shartnoma — u uchun yoqimli jihat.
Xitoy chempionati uchun ajratilgan legionerlar limiti futbolchining foydasiga xizmat qiladi. Xitoyda osiyolik futbolchilar uchun imtiyoz bor. Ahmedov aynan shunga to‘g‘ri keladi.
Yana bir muhim jihat bor. Ahmedov Andre Villash-Boash boshqaruvidagi «Shanxay SIPG»ga o‘tdi. Odilning transferini amalga oshirgan German Tkachenko portugaliyalik mutaxassis bilan yaxshi munosabatlarga ega. Tkachenko «Krasnodar» ushbu transferga ko‘ndira olgan. Aynan shu holatlar transferning amalga oshishida muhim rol o‘ynagan.
Shanxay shahri jamoalari Xitoyda faol transfer siyosatini amalga oshirishmoqda. «SHangxay Shenxua» klubi Tevesga 40 million yevro yillik maosh to‘lasa, «Shanxay SIPG»da Villash-Boashdan tashqari, Xalk va Oskar ham o‘ynaydi. Ularning safiga endi Ahmedov ham qo‘shildi. Vitsel ham bu jamoaga o‘tishi mumkin.
Yozda Xalkning «Zenit»dan ketishi qandaydir noodatiy bo‘lgandi. Ahmedov esa — Yevropa darajasidagi yulduz emas. Birinchi navbatda u futbolchi. Shuning uchun ham u Xitoyga yo‘l oldi", - deydi Arustamyan.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
